Novas por contido

As actitudes de vulneración dos dereitos dos traballadores e traballadoras da Xunta de Galiza en Ourense por parte de quen ocupa o sillón de Delegado Territorial, Rogelio Martínez e de quen realmente exerce dende a sombra, José Selas son cada vez máis descaradas e evidentes.

Dende a CIG denunciamos que a adopción de instruccións sobre o descanso diario, vacacións e permisos por asuntos propios vulnera gravemente a legalidade vixente.

A CIG xa solicitou a retirada desta instrucción por non estar negociada e por non axustarse á lexislación vixente xa que estamos ante unha actitude que vulnera o estabelecido no Estatuto Básico do Empregado Público no que nada se recolle ao respecto sobre a distribución dos días nin sobre a antelación mínima de petición, o mesmo se deduce do establecido no decreto lexislativo 1/2008 o cal, unicamente, puntualiza que haberá que atender ás necesidades do servizo, pero tamén deixa moi claro que estes días por asuntos propios poderá dispoñerse deles sen xustificación, o cal significa que sempre que as necesidades de servizo estean cubertas non se pode obrigar a ningún traballador a collelos nun período ou noutro do ano.Respecto á antelación mínima de 15 días para solicitalos excepto supostos de urxencia, suposto que libremente vai valorar o xefe/a, é totalmente ilegal xa que vulnera claramente os dereitos dos empregados e empregadas da Xunta de Galiza a disfrutar destes días, dereito que non se pode pisar baixo a premisa de necesidades do servizo, necesidades que, en moitos dos casos, se estabelecen dunha maneira polo xefe ou xefa de turno.

Ademais de todo o exposto anteriormente hai que salientar que estas instrucción foro ditadas sen unha reunión previa cos representantes dos traballadores e traballadoras o que vulnera de novo a legalidade vixente. A esto engadímoslle a instrucción aos xefes de servizo para o establecemento de quendas fixas no descanso diario cuestión novamente ilegal, non negociada e que prexudicará os servizos e causará novos problemas.

A CIG denuncia tamén a covardía de quen utiliza a vella premisa de que paguen xustos por pecadores, criminalizando a todo un colectivo polas actitudes duns poucos e, no canto de asumir e actuar nos casos puntuais, se utilicen recortes de dereitos colectivos para xustificar a adopción de medidas que tiñan que ser singularizadas. Así, con esta estratexia, Selas e o seu boneco Rogelio, disimulará os incumprimentos da corte de aduladores diluíndoos, trasmitíndollos e, por último, infectando a todo un colectivo que non ten culpa ningunha diso e que se ve, así, manchado polas actitudes dos pelotas de turno.

Nota: Se queres o cartaz podes descargalo facendo click na imaxe ou ben a través da sección de descargas da nosa web

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...