Novas por contido

Última hora: Vamos estar o venres 16, ás 12 horas, na Dirección Xeral da Función Pública. Convidamosche a asistir.

Dun total de 170 prazas ofertadas para a promoción interna ao grupo auxiliar administrativo da Xunta de Galiza, o tribunal estableceu unha nota de corte que cobre 88 prazas, quedando outras 82 desertas (case o 50%).

Dende hai moitos anos o persoal que traballamos na Xunta sufrimos promocións internas absurdas, desastrosas e indecentes, pero por riba de todo inútiles xa nada teñen que ver co que realmente debera de ser unha auténtica promoción, nin máis nin menos que un merecido incentivo para o traballador e traballadora de cara a subir polos seus propios méritos ao seguinte chanto da carreira administrativa, carreira que por certo, xamais interesou a ningún goberno e que aquí brila pola súa ausencia.

Pois ben, a pesar de que a lóxica manda e demanda unha carreira profesional de verdade, aos funcionarios e funcionarias deste país colócannos na picota de pasar, previo pago de taxas, por probas contrarreloxo como é o caso para o ascenso a C2, onde a golpe de tictac ímos cubrindo un cuestionario que lle vai indicar ao tribunal de turno se somos ou non expertos no manexo de programas do grande monopolio Microsoft, monopolio dito sexa de paso, ao que a Xunta está atada a través de multimillonarios contratos, a saber que comenencias haberá detrás.

Dende a CIG sabemos que este tipo de probas nada teñen que ver co traballo que  realmente fai un auxiliar administrativo no seu posto e o denunciamos. Asemade denunciamos a desproporción que se da entre tódalas promocións internas e a falla de unificación de criterios para desenvolvelas, así coma a delegación que fai a Xunta nos tribunais para que estes tomen decisións draconianas nuns casos, e excesivamente brandas noutros.

Con todo, a Administración debera de ser escrupulosa até o máximo e manter un grau sumun de limpeza en tódolos procesos selectivos, impedindo tanta desigualdade, agravios, chanchullos en tribunais, etc, feitos que se constataron tras a expulsión dos sindicatos do control nos procesos.

Este venres, 16 de abril, a CIG ten convocados a unha concentración en San Caetano aos seus delegados e delegadas xunto cos traballadores e traballadoras afectados pola proba de promoción interna para o subgrupo C2 dende o corpo de subalternos da Xunta de Galiza. En canto teñamos lugar e hora, informaremos no web da CIG-Autonomica (http://autonomica.cigadmon.gal)

Vamos estar o venres 16, ás 12 horas, na Dirección Xeral da Función Pública. Convidamosche a asistir.

Outras novas recentes

Luns, 15 Xullo 2024

Instrucións sobre a confección de nóminas para o ano 2024 e actualización das contías das retribucións

No DOG do 15/07/2024 publican a ORDE do 11 de xullo de 2024 pola que se ditan as instrucións sobre a confección de nóminas do persoal ao servizo da Administración autonómica para o ano 2024 e se actualizan as contías das retribucións en aplicación do Real decreto lei 4/2024, do 26 de xuño. O 27 de xuño do 2024, publicouse no Boletín Oficial do Estado o Real decreto lei...
Venres, 19 Xullo 2024

Carreira profesional de persoal laboral e funcionario (graos I e II): requirimentos de emenda de documentación

No DOG do 19/07/2024 publican: - RESOLUCIÓN do 5 de xullo de 2024, da Dirección Xeral de Emprego Público e Administración de Persoal, pola que se publican os requirimentos de emenda de documentación das solicitudes presentadas ao abeiro da Orde do 29 de decembro de 2023 pola que se publica o Acordo entre a Xunta de Galiza e as organizacións sindicais CC.OO. e UGT polo que...
Martes, 16 Xullo 2024

Función Pública altera os criterios da estabilización, sen dar moitas explicacións

Cando a Dirección Xeral do Emprego Público e Administración de Persoal (DXEP) publicou o pasado 9 de xullo o baremo provisional do proceso de estabilización da categoría de xefe/a de brigada, saltaron as alarmas polo feito de que a experiencia profesional que se lle asignaba a moito persoal era superior á esperada, mesmo por riba da declarada polas propias persoas afectadas...