Novas por contido

O EBEP no seu artigo 25 recoñece o dereito a percepción de trienios por parte do persoal interino. Porén, nada se dicía dos efectos retroactivos deste dereito. A Asesoría Xurídica da CIG en función da  Directiva 1999/70/CE conseguiu varias sentenzas positivas en distintos xulgados. Posteriormente iniciamos unha campaña de difusión achegando ás persoas afectadas a seguinte reclamación previa. Porén, as persoas que chegaron posteriormente ao xulgado obtiveron uns resultados desiguais.

Como se estaban a ditar sentenzas contraditorias dependendo do tribunal, ao final suscitouse unha cuestión prexudicial ao TXUE. Mentres o TXUE se pronunciaba, a Asesoría Xurídica da CIG solicitou a suspensión dos procedementos xudiciais tamén con efectos desiguais. Finalmente, o 22/12/2010 o TXUE sitou sentenza recoñecendo que esa Directiva si é de apliación directa ao persoal interino da Xunta e que por tanto obriga ao pago retroactivo dos trienios.

As consecuencias agora son diferentes: nos xulgados onde paralizaron o procedemento a Asesoría Xurídica da CIG está a pedir que levanten a suspensión do procedemento e, se non hai sorpresas, deberían de dar a razón sobre o fondo. Onde xa hai sentenza firme desestimatoria, se está a analizar se cabe unha reclamación de responsabilidade patrimonial da administración de xustiza (por erro dos xulgados e do TSXG).

A sentenza está dispoñible no seguinte enderezo web.

Para calquera dúbida con relación a este tema, recordarlle a nosa afiliación que teñen a súa disposición as asesorías xuídicas das diferentes comarcas.

Outras novas recentes

Martes, 24 Xuño 2025

Voto a favor condicionado da CIG-Autonómica ao I Plan de Igualdade do Consello de Contas (23/06/2025)

A CIG avoga por un I Plan de Igualdade máis ambicioso e efectivo, cun ámbito temporal de 3 anos de duración —en vez de 4—, ademais de promover que a enquisa de igualdade ao persoal se adiante ao primeiro ano do plan. Consello de Contas de Galiza: 18 anos de atraso na aprobación do I Plan de Igualdade Todas as Administracións Públicas teñen a obriga de contar cun plan de...
Xoves, 19 Xuño 2025

A CIG consegue unha sentenza histórica: primeira sentenza do Estado que recoñece a aplicación dos coeficientes redutores a un compañeiro ...

Estimase a demanda interposta ante a Tesoureiría da Seguridade Social e a Xunta de Galiza condenando a certificar as bonificacións que correspondan na aplicación dos coeficientes redutores de xubilación previstos no Real Decreto 383/2008 do 14 de marzo que establece os coeficientes redutores da idade de xubilación dos/as bombeiros/as ao servizo da administración e...
Venres, 20 Xuño 2025

Caótica xestión da Xunta de Galiza na residencia de Taboadela: diñeiro público malgastado e atención precaria

Dende a Confederación Intersindical Galega (CIG) erguemos a voz unha vez máis para denunciar a situación crítica do Centro de Maiores de Taboadela, do Consorcio Galego de Servizos de Igualdade e Benestar e a "actitude irresponsable e despilfarradora" da Xunta de Galiza. A Administración Autonómica mantén a persoal na casa cobrando sen traballar, mentres que nas instalacións...