Novas por contido

No DOG do 07/01/2011 publicase a modificación da relación de postos de traballo dos departamentos da Administración da Xunta de Galicia referentes aos procesos de consolidación da disposición transitoria décima do V Convenio colectivo único do persoal laboral da Xunta de Galicia. A consolidación levarase a cabo mediante un proceso extraordinario de selección con suxeción aos principios de igualdade, mérito, capacidade, publicidade e concorrencia competitiva, que se esgotará coa sua propia resolución e terá carácter excepcional.

Entre as prazas afectadas polo proceso de consolidación referentes ao persoal laboral distínguese dúas situacións ou momentos diferentes:

Persoal con antigüidade anterior ao 1 de xullo de 1998 que cumpra algunha das seguintes condicións:

(CONCURSO)

  • Tivese recoñecida a condición de indefinido na súa relación laboral por sentenza xudicial de data anterior ao 17 de setembro de 2007.
  • Fose contratado directamente pola Xunta de Galicia baixo a modalidade de obra ou servizo determinado para a realización de programas ou servizos de carácter estrutural.
  • Fose integrado por transferencia como persoal laboral anterior ao 1 de xullo de 1998.
  • Por resolución da Subsecretaría de Traballo e Asuntos Sociais do 24 de xullo de1997 en virtude das previsións contidas no plan de emprego do INEM tivese recoñecida a condición de indefinido.


Persoal con antigüidade posterior ao 30 de xuño de 1998 e anterior ao 1 de xaneiro de 2005 que cumpra algunha das seguintes condicións:

(CONCURSO-OPOSICIÓN)

  • Tivese recoñecida a condición de indefinido na súa relación laboral por sentenza xudicial de data anterior ao 17 de setembro de 2007.
  • Fose contratado directamente pola Xunta de Galicia baixo a modalidade de obra ou servizo determinado para a realización de programas ou servizos de carácter estrutural.
  • Fose integrado por transferencia como persoal laboral posterior ao 1 de xullo de 1998.

Accede aos borradores dos temarios da fase de oposción para este persoal.

Accede ao acordo 21/04/2008 que recolle o obxecto e principios xerais do proceso de consolidación.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...