Novas por contido

Na Residencia de Maiores de Carranza, dependente da Xunta de Galiza, rompen os canos de auga quente e se inunda o centro case a diario.

A causa da rotura das cañarías ven provocada pola subida de temperatura da auga quente para previr a lexionelose nos centros públicos e que os tubos non aguantan e van rompendo pouco a pouco. Se o incidente ocurre pola semana os servizos de mantemento son capaces de solucionar a avaría no momento, pero se a rotura acontece en fin de semana ou pola noite o incidente remata en inundación co perigo para  traballadores/as e usuarios/as de rotura de falsos teitos, levantamento de chan, perigos eléctricos, …(como ven podedes observar no video-denuncia do que achegamos enlace).

Este problema arranca de fai 6 anos con roturas esporádicas pero é a partir de maio de 2010 cando as roturas se xeralizan, pero os e as traballadores/as do centro confían na solución do problema porque de maio a decembro está unha empresa facendo cambio de cañarías.

As obras de reparación rematan e as inundacións seguen a producirse: 21 de febreiro, 10 de marzo e 14 de marzo. Ante esta inactividade da Administración a cadro de persoal decide facer denuncia pública da precaria situación dun servizo público e da posible repercusión na súa saude laboral. 

Polo que pedimos:
- Implantación de medidas preventivas urxentes mediante unha avaliación de riscos e a adopción das necesarias medidas de seguridade.
- Solución definitiva das avarias para que o servizo público de atención a persoas maiores funcione con plena calidade.
- Depuración das responsabilidades administrativas e políticas por non ter solucionado a tempo este problema.
- Non vamos a consentir o abandono dos servizos públicos para xustificar unha posible entrega a mans privadas amigas ou coñecidas.

Entanto non se solucione este grave problema teremos concentración todos os mercores ás 11:30 horas diante da porta principal da residencia de Caranza.

SERVIZOS PUBLICOS E DE CALIDADE

CIG ADMINISTRACIÓN AUTONÓMICA COMARCA DE FERROL.


Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...