Novas por contido

Despois de gañar as elección sindicais ás Xuntas de Persoal funcionario, celebradas o día 14 de abril onde a CIG obtivo 42 delegados aumentando en 9 respecto ao 2007, e consolidándose como primeira forza sindical, no día de hoxe veñen de rematar os procesos electorais aos comités de empresa da Xunta, que comezaron en novembro nas consellaría de Facenda e de Economía e Industria, e remataron hoxe coas eleccións ao comité de empresa de Sanidade en Ourense onde a CIG entra por primeira vez cun delegado dos cinco elixidos.

COMPARATIVA ENTRE OS RESULTADOS DO 2007 E DO 2011

A CIG aumenta a súa representación en 11 delegados/as pasando a ser a primeira forza sindical na Xunta de Galiza mentras que CCOO perde 22 e UGT 38.

Comparativa 2007-2011

CIG
CCOO
UGT
CSIF
2007
129
153
139
64
2011
140
131
101
96


RESULTADOS NAS XUNTAS DE PERSOAL FUNCIONARIO E NOS COMITÉS DE EMPRESA DE PERSOAL LABORAL DA XUNTA DE GALIZA

En canto a delegados dos comités de empresa, a pesares de baixar o número de delegados electos en 30 a CIG aumenta conseguindo un empate técnico con CCOO que baixa en 23 delegados/as mentras que UGT baixa 30 delegados/as.

nº delegados/as
CIG
CCOO
UGT
CSIF
Outros
Xuntas de Persoal
42
26
16
35
4
Comités de Empresa
98
105
85
61
1
Total delegados/as
140
131
101
96
5


COMITÉ INTERCENTROS E MESAS DE NEGOCIACIÓN

Deste xeito a CIG aumenta tamén a súa representación no Comité Intercentros pasando de 3 a 4 dos 13 membros e consolidando a súa maioría nas mesas Sectorial de Funcionarios e Xeral de Negociación dos Empregados Públicos.


CIG
CCOO
UGT
CSIF
Outros
Comité Intercentros
4
4
3
2

Mesa Sectorial de Funcionarios/as
5
3
2
5

Mesa Xeral de Empregados Públicos
5
4
3
2
1


Dende a CIG-Autonómica queremos agradecer a participación de todos os traballadores/as da Administración Autonómica, especialmente daqueles que depositaron a súa confianza en nós.

Unha confianza renovada que nos leva a asumir unha maior responsabilidade na loita pola defensa dunha Administración Pública, galega, profesional, de calidade e ao servizo dos cidadáns nuns momentos nos que os maiores perigos para a Administración Pública proceden das políticas privatizadoras e de recortes dos gobernos do Estado e da Xunta de Galiza: política de privatizacións dos Servizos Sociais Públicos, externalizacións, contratacións de asistencias técnicas, recortes salariais e reducción do persoal da Administración.

Os resultados obtidos pola CIG deberían facer reflexionar ao goberno de Feijoo sobre as súas políticas de desmantelamento do Público e sobre o sentir e vontade clara dos empregados/as públicos/as.

Finalmente, nestes catro anos imos seguir a defender de forma clara a dignificación da Función Pública como centro dunha Administración ao servizo dos cidadáns, onde os empregados/as públicos/as son a clave de que eses servizos se presten coa calidade e profesionalidade necesaria á cidadanía galega.

Outras novas recentes

Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...