Sabías que certas medidas que restrinxen os nosos dereitos tiveron apoio sindical? Unha acción sindical seria implica levar adiante negociacións e medidas que beneficien aos/as funcionarios/as. Pero tamén implica saber dicir NON cando as medidas propostas son lesivas para os intereses dos/as funcionarios/as.
Entre as primeiras A CIG TEN NEGOCIADO, MOITAS DAS VECES POR INICIATIVA PROPIA, MEDIDAS E ACORDOS BENEFICIOSOS AOS QUE VOTOU A FAVOR na Comisión de Persoal, como o Fondo de Acción Social, o Acordo de centros de ensino, o Acordo retributivo 2006-2009, as pagas extras completas, o Acordo para que as xefaturas de Servizo pasaran a concurso, etc.
Pero hai veces que os sindicatos teñen que dar un rotundo NON a medidas que intentan recortar dereitos, privatizar a Administración ou que dan lugar a situacións inxustas. Para que teñas coñecemento de qué votou cada quen e formes a túa opinión aquí tes a seguinte táboa:
| CIG | CSIF | CCOO | UGT | |
| Xefaturas de Servizo pasan a libre designación (art 30 da LFPG votado na Comisión de Persoal do 18/10/2010) | NON | SI | NON | SI |
| Chiringuitos con listas de substitución propias (art. 59 da LOFAXGA votado na Comisión de Persoal do 4/08/2010) | NON | SI | SI | SI |
| Mobilidade forzosa do posto (art 30.bis.3 da LFPG votado na Comisión de Persoal do 18/10/2010) | NON | SI | NON | SI |
| Integración en vacantes da Xunta do persoal dos chiringuitos (Proxecto de Decreto de integración do persoal das entidades instrumentais) | NON | Non se | Non se pronuncia | Non se pronuncia |
| Que as Axencias poidan ter persoal propio (art. 75 da LOFAXGA votado na Comisión de Persoal do 4/08/2010) | NON | SI | SI | SI |
| Funcionarios doutras Administracións traídos en LD pasan a ser funcionarios da Xunta (DT 15 da LFPG votado na Comisión de Persoal do 18/10/2010) | NON | SI | NON | SI |
| Que algún persoal dos chiringuitos poida cobrar máis que o Presidente da Xunta (art. 60.2 da LOFAXGA votado na Comisión de Persoal do 4/08/2010) | NON | SI | SI | SI |
| Que nos xubilemos aos 67 anos (RD-l 3/2010 Reforma das pensións) | NON | - | SI | SI |
E agora pensa. Quen queres que te represente diante da Xunta?
Veñen tempos duros onde imos ter que sufrir unha política de recortes, restriccións de dereitos e onde perigan os nosos salarios, a nosa estabilidade no posto e a propia idea dunha Administración Pública.
Só un sindicato que poida negociar melloras pero que tamén saiba manterse firme ante as agresións que sufrimos os funcionarios/as pode garantir que non perdamos os nosos dereitos.
O teu futuro depende do teu voto. Pensa no teu futuro. O 14 de abril VOTA CIG