Novas por contido

No último borrador do Decreto da Axencia de Modernización Tecnolóxica discutido nunha xuntanza informal coa Administración o 18 de xullo aprécianse cambios importantes no réxime de persoal que se achegan ao acadado para a Axencia Galega de Infraestruturas.

Porén, esta conleva unha peculiaridade que non se daba na anterior: o elevado número de servizos tecnolóxicos externalizados que van arrastrar as unidades administrativas que se adscribirán a ela. Despois resulta que non hai cartos para o persoal propio...

Unha vez máis dende a CIG temos que remendar os buracos que a LOFAXGA deixou abertos e a base de alegacións e despois de negociacións conseguir o que xa debería estar recollido nesa lei.

Os cambios máis destacables son os seguintes:

  • As unidades e persoal non se integran senón que pasarán a estar adscritos.

  • A axencia contará con persoal funcionario, estatutario e/ou laboral da Xunta.

  • A selección, provisión e mobilidade será competencia exclusiva de Función Pública.

  • Mantense o persoal interino e temporal de todas as unidades que se adscriban.

  • A axencia non poderá contratar persoal laboral propio.

  • O persoal directivo virá establecido por RPT.

Porén, a CIG-Autonómica criticou o modelo de externalización dos servizos relacionados coas TICs e a intención de seguir cun modelo que mistura un elevado número de asistencias técnicas cun cadro de persoal propio cada vez máis reducido. Xa que logo, reivindicamos o mantemento e recuperación das tarefas relacionadas coas TICs no persoal propio da Xunta de Galicia especializado nesa área, favorecendo a súa formación e o desenvolvemento da carreira profesional que permita abordar o desafío dos novos tempos baixo a independencia, a profesionalidade e o garante que supoñen as empregadas e empregados públicos.

NOTA: No 2011 se adscribirán a actual Secretaría Xeral de Modernización e Inovación Tecnolóxica e máis os servizos de informática de Presidencia e da Consellaría de Presidencia, AAPP e Xustiza, quedando para o 2012 a adscrición do persoal informático do resto das consellarías (salvo Sanidade) O proceso non finalizará ata o 2015 onde entrarán os servizos de Sanidade e Sergas e máis o CIXTEC.

Descarga o novo borrador


Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...