Novas por contido

O 28 de xuño reuniunos a Administración para adiantarnos a posta en marcha do calendario de creación da Axencia Galega de Modernización Tecnolóxica. Unha nova axencia que pretende aglutinar os servizos informáticos de todos os entes instrumentais da Xunta de Galicia e que pretende seguir contando cun elevado número de servizos tecnolóxicos externalizados, engordado ademáis, coa posibilidade de contratar persoal propio.

Nos primeiros apuntes da xuntanza parecía que todo se ía levar a cabo consonte ao modelo da Axencia Galega de Infraestruturas, modelo defendido pola CIG-Autonómica desde a aprobación da súa lei habilitante ata o seu Decreto de creación. Porén, nunha primeira ollada á documentación descobrese que os Estatutos (art. 29) remiten á LOFAXGA e polo tanto vai poder contratar persoal laboral PROPIO. Por moito que digan que non, non limitan a potestade que lle da a lei para facelo, a diferenza da Axencia Galega de Infraestruturas.

A pesar de que na xuntanza todo eran boas intencións, se deixou claro desde un primeiro momento que van seguir contando coa enorme cantidade de ATs que caracterizan os servizos informáticos da Admnistración autonómica. Xa que logo, para a CIG-Autonómica, esta axencia configura un modelo de Administración atomizada na que o persoal propio da Xunta queda relegado e as súas funcións son absorbidas, cada vez máis, por contratos e empresas de fóra.

Ligazóns relacionadas:

Outras novas recentes

Mércores, 26 Marzo 2025

Boletín CIG-Saúde Laboral nº 59 - marzo 2025

Boletín do Gabinete Técnico Confederal de Saúde Laboral da CIG. Neste número: Riscos psicosociais e saúde mental no traballo: Que son os riscos psicosociais? Que importancia ten o problema? Que se pode facer para previr e xestionar os riscos psicosociais? Prevención e xestión dos riscos psicosociais relacionados co traballo Apoio ao persoal que se enfronta a retos...
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...
Mércores, 26 Marzo 2025

Xuntanza comisión de listas. 26/03/25

Na xuntanza da Comisión de listas celebrada no día de hoxe mércores 26/03/25, ademais de aprobarse a acta e tratarse as reclamación correspondentes, informan dos seguintes puntos:    - Publicaranse as listas definitivas das categoráis funcionarizadas de oficio o día 2 de abril.   - As listas de incendios publicaranse antes da próxima comisión datada para o día 30 de abril....