Novas por contido

Tras moito insitir, o director xeral de Función Pública convócanos para o vindeiro martes, 26 de xuño, xunto cos promotores de emprego contratados segundo o Real decreto-lei 13/2010 e RDL 1/2011 para tratar alternativas que permitan a continuidade do seu traballo até finais de ano. Ademais, a CIG solicitou na Mesa Xeral do 22 de xuño unha xuntanza de todas as OOSS coa SX de Traballo, cousa á que se negaron.

Cómpre recordar que na Lei de orzamentos estatal establece a posibilidade de que estes contratos rematen o 30 de xuño (6 meses antes do previsto). Porén tamén se estabelece que os créditos correspondentes distribuiranse territorialmente entre as ditas administracións, de conformidade co estabelecido na normativa estatal. De feito xa son varias as comunidades autónomas (Cantabria, Estremadura e Aragón) que anunciaron que ían manter estes contratos.

Desde a CIG, opoñémonos aos despedimentos no servizo público de emprego e sinalamos que as contratacións, e a súa duración, foron acordadas nas mesas de negociación da Xunta de Galiza; por iso, demandamos que  se manteñan os acordos acadados. Propoñemos como solución que parte dos "creditos distribuídos territorialmente" dos que se fala na Lei de Orzamentos se destinen para manter estes contratos como xa fixeron, curiosamente, outras comunidades gobernadas polo PP.


Outras novas recentes

Xoves, 29 Mai 2025

O concurso específico deseñado pola Xunta será unha LD encuberta e personalizable

O martes 3 de xuño quedará aprobado, previsiblemente, o modelo de bases dos concursos específicos (CE), un documento que permitirá ás consellerías convocar cada un dos 800 postos de CE cando queiran (se é que queren), e con criterios tan flexibles que poderán “personificalos” posto a posto A proposta xa pasou en xaneiro pola Mesa Sectorial de Negociación, con apenas un día...
Venres, 23 Mai 2025

Concurso de traslados de persoal dos institutos marítimo-pesqueiros: relación provisional de admitidas

No DOG do 23/05/2025 publican a RESOLUCIÓN do 21 de maio de 2025, da Dirección Xeral de Emprego Público e Administración de Persoal, pola que se aproba a relación provisional de persoas admitidas e excluídas no concurso para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza,...
Xoves, 29 Mai 2025

Menores vulnerables en mans de empresas privadas. Quen os protexe?

Cando o que importa non é o servizo, senón trincar pasta! Recentemente, veñen de publicarse dúas novas no DOG (Resolución do 12 de maio de 2025 e a Resolución do 23 de abril de 2025) que fan referencia a que os concursos polos que dous centros de menores, o de Casa da Quintán en Ponte Caldelas (oito prazas) dirixido a menores con medidas de protección e problemas de saúde...