Novas por contido

O día 18/04/2011 realizouse a segunda a segunda xuntanza entre a Secretaria Xeral Técnica de Traballo e Benestar e as organizacións sindicais co obxecto de perfilar o sistema de contratación dos promotores de emprego.

Na xuntanza, a Administración reiterou a posición mantida na primeira xuntanza do 14/04/2011:  en aplicación do Real decreto-lei 13/2010 e R.D.L. 1/2011, se procederá á inmediata contratación de 109 promorores de emprego/orientadores para a execución de dúas medidas derivadas destas dúas normas estatais, desenvolvendo os itinerarios individuais e personalizados  para a mellora da empregabilidade de xóvenes e maiores de 45 anos en situación de desemprego de longa duración. Estes contratos, de carácter temporal, se extenderán, como mínimo até o 31/12/2012.

A CIG manifestouse contraria á creación dunha nova categoría no Servizo Público de Emprego e a un proceso de selección resultante dunha oferta xenérica regulada polo art. 7.5.b).2 do V convenio, solicitando que a contratación sexa co previo chamamento ás listas reguladas polo Decreto 37/2006.  Desde a CIG entendemos que o chamamento debería ser ou da categoría 007 do grupo II , ou do grupo A2 de funcionarios, nos que  hai, respectivamente, 3.055 e  6.384 traballadores que xa participaron en procesos selectivos co que a súa formación está debidamente acreditada.

Con respecto á titulación esixida, desde a CIG considérase a de Educación Social e de Traballo Social non son as que mellor responden ao perfil destes postos de traballo.

Por último, preguntamos as razóns polas que non se dota de ningún promotor a oficina das Pontes  de García Rodríguez (A Coruña), ao que a Secretaría Xeral  respostou que cada Xefatura Territorial se sinalaron as necesidades para cada unha das oficinas de emprego, primando non so os indicadores de desemprego senón tamén os espazos de cada oficina e, no concreto, a das Pontes non ten capacidade mentres non rematen as obras de remodelación.

As demais organizacións sindicais están tamén en contra da creación dunha categoría nova e propoñen o chamamento a través das listas do Grupo II ou do A2, agás CSIF, que manifestou o seu acordo coa creación desta categoría  que se denominaría orientador/promotor.

A Administración sinalou que non haberá máis xuntanzas previas e que levará a súa proposta definitiva ás mesas de negociación.

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...