O mércores, 27 de xuño, a Xunta de Persoal dos servizos centrais celebrou un pleno ordinario, do que informamos dos principais acordos:
Remitirlle ás distintas consellerías un escrito solicitando información sobre os empregados públicos que percibiron nos últimos catro anos complementos salariais por servizos prestados fora da xornada de traballo, no que se fagan constar os datos do perceptor, posto que ocupa, cantidades percibidas, nº de horas realizadas e xustificación destas.
En relación co programa KRONOS e logo das reunións mantidas coa administración para falar dos problemas que se están dando, instamos a todos os traballadores e traballadoras que xa o esten utilizando a que nos fagan chegar as súas incidencias con esta aplicación remitíndonos un correo á seguinte conta: xuntadepersoal.sscc@xunta.es, co obxecto de ter unha idea da dimensión real dos problemas e axudar en buscarlle solucións.
En relación coas asistencias técnicas, despois de non recibir practicamente ningunha contestación das solicitudes de información feitas ás distintas consellerías, decidimos denunciar nos medios aqueles casos concretos que coñezamos e elaborar un protocolo de actuacións a realizar coas que teñamos coñecemento a partir de agora, para o que solicitamos oa vosa colaboración. Se queredes denunciar algunha situación concreta podedes remitir un correo á conta sinalada no parágrafo anterior.
Decidimos denunciar diante de cada consellería o uso indiscriminado nas distintas relacións de postos de traballo de requisitos indispensables e o abuso nos méritos específicos, perfilando en exceso as prazas.
Acordamos, previa consulta co comité de empresa da empresa prestataria do servizo de limpeza, remitir un escrito solicitando que se cumpla o establecido no contrato no referente á sustitución do persoal no caso de vacacións, IT,....
Decidimos remitir un escrito a todas as consellerías solicitandolles unha serie de información (relación de facturas pagadas no 1º semestre con cargo ao capítulo II, relación de xustificacións aplicables ás atencións protocolarias…) co obxecto de que se garanta a transparencia, eficacia e eficiencia na xestión pública. Acordamos tamén que, no suposto de que non contesten, se lle dará traslado aos grupos parlamentarios co obxecto de que formulen a cuestión no Parlamento.
En relación coa problemática dos aparcadoiros na zona de San Caetano, acórdase remitir os seguintes escritos:
Solicitude de información ao Concello sobre as prazas que se van a eliminar no entorno do Monte dos Postes coas obras da nova rotonda e a data de inicio.
Solicitude á Presidencia para que o Presidente utilice a porta de Facenda e así poder habilitar as prazas que na actualidade están como zona de seguridade.
Solicitude á Consellaría de Presidencia, AAPP e Xustiza en relación á parte do parkíng reservado aos empregados públicos que segundo parece está sendo utilizado por persoal non autorizado.
Decidimos remitir dous escritos á Consellaría de Presidencia, AAPP e Xustiza, solicitando, por unha banda, unha sala de repouso e lactancia para cada ún dos edificios administrativos de San Caetano e San Lázaro e, pola outra, unha sala equipada con microondas, neveira e fonte de auga para podela utilizar como comedor.
Acordamos solicitar á dirección xeral da Función Pública unha relación de todo o persoal que está na actualiade en situación de “a dispor do conselleiro/a”.
En relación coa información recibida na Xunta de Persoal referida á intención que teñen na Secretaría Xeral de Cultura de amortizar dúas prazas de persoal funcionario no CGAC, ocupadas por persoal funcionario de carreira, para crear outras de persoal laboral; decidimos solicitar unha entrevista co titular da secretaría xeral.
Acordamos solicitar información da Secretaría Xeral Técnica da Consellaría de Traballo e Benestar sobre a nova ubicación dos Servizos Centrais do Consorcio Galego de Igualdade e do Benestar ao rematar, segundo parece, o contrato de alquiler do local actual e a posibilidade de que o persoal acabe nosedificios administrativos de Servizos Centrais da Xunta de Galiza
Decidimos solicitar unha entrevista con Función Pública co obxecto de iniciar as actuacións de cara a establecer o protocolo e a declaración de principios para os casos de acoso, asi como a designación da asesora confidencial que se establece na normativa vixente.
Acordouse tamén denunciar o posible recorte do dispositivo de seguridade nos Edificios Administrativos de Servizos Centrais, xa que está previsto eliminar entre 20 e 30 postos de traballo, co risco que isto pode supór para o conxunto do persoal que traballamos nestes locais e edificios.
