Novas por contido

Son varios os concursos de traslados que se atopan convocados en diferentes etapas (persoal laboral, corpos especiais e corpos xerais) e outros nos que se albisca a súa inminente convocatoria (informática).

Persoal laboral grupos I ao IV

As persoas adxudicatarias dos postos ofertados, agás imprevistos, tomarán posesión na semana do 8 ao 12 de abril. Como viñamos anunciando, esta toma de posesión será conxunta coa das persoas que tomaron destino definitivo dos últimos procesos selectivos. Exceptúanse os postos de coidador auxiliar (IV-004) e oficial 2ª de cociña (IV-005) nos que se adiará a toma de posesión para o mes de xuño. En relación con esto último, a data prevista para o acto de elección definitivo de destino para os postos da OPE 2006 de coidador auxiliar (IV-004) tanto pola quenda de acceso libre e promoción interna é o día 11/04/2013 e para oficial 2ª de cociña (IV-005) tanto pola quenda acceso libre e promoción interna é o día 12/04/2013.

A practica totalidade dos postos destas dúas categorías están  adscritos a centros públicos de ensino de educación primaria e secundaria xestionados pola Consellería de Cultura, Educación e Ordenación Universitaria. A dita consellería solicitou que a toma de posesión dos novos destinos tivese lugar unha vez rematado o curso escolar, coa finalidade de evitar alteracións que repercutirían negativamente en colectivos especialmente sensibles ao cambio como son os nenos e nenas con necesidades educativas ou alimentarias especiais.

Desde a CIG-Autonómica, cremos que detrás desta escusa, atópase a intención de aforrar os 3 meses de salario do verán do persoal temporal que entraría a cubrir en abril as vacantes que queden tralas tomas de posesión; se o persoal laboral fixo toma posesión en xuño, non habería que contratar temporais ata setembro.

Corpos especiais

Toma de posesión prevista para setembro.

Corpos xerais

Previsión de publicar as puntuacións provisinais no mes de xullo. Existe un elevado número de solicitudes (3.000).

Escalas de informática

Publicación da convocatoria no mes de abril

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...