Novas por contido

Propoñen transformar unha planta do centro de Ferrol co obxectivo de cubrir a demanda existente.

O Comité de Empresa da Consellaría de Traballo e Benestar vén de solicitar da titular do departamento autonómico que proceda a tomar as medidas necesarias para abrir unha nova planta para persoas asistidas na Residencia de Ferrol. Dende o persoal sublíñase que o proceso de transformación dunha planta de válidos/as en asistidos/as non requiriría grandes obras e permitiría atender a demanda existente.

A Residencia Mixta de Maiores de Ferrol, explican dende o Comité, ten na actualidade unha capacidade de 191 residentes/as, dos que 47 son asistidos e o resto válidos. O edificio consta de sete plantas máis planta baixo e soto. Unha das sete plantas está destinada a asistidos/as con 33 residentes/as valorados como tal, hai outra planta que lle da aloxamento a outros 11 internos tamén asistidos, máis unha área destinada a enfermería  para coidados esporádicos para os internos que así o precisen situada no mesmo andar.

A ocupación real a día de hoxe é de  175 residentes/as válidos e 45 asistidos/as. “Existen pois  baleiras 16 prazas, máis 2 de estancia temporal”, sinalan.

Na  actualidade, matizan, “e debido ao seu proceso lóxico de envellecemento  as  actitudes tanto físicas coma cognitivas dos usuarios/as baremados/as coma válidos/as están a experimentar unha grande degradación cun proceso que supón que deixen de facer  tarefas propias da súa vida diaria por si mesmos, coma aseo persoal, continencia urinaria ou simplemente orientación físico espacial dentro das dependencias da Residencia. Un dato a ter en conta é que 20 dos residentes válidos precisan duchas que veñen facendo o persoal de enfermaría”.

Ademais, na anterior lexislatura  o goberno  tiña pensado acometer una serie de obras maiores no edificio que quedaron truncadas por motivos económicos.

Por todo isto, “consideramos urxente e necesario que unha das cinco plantas actuais para válidos se transforme en planta para  asistidos. Acometendo una serie de obras menores  imprescindíbeis, co fin de darlle a calidade asistencial que os nosos  anciáns/ás merecen, e non causarlles o desarraigo que podería supor o traslado a outra residencia”. Esta demanda foi presentada ante o director do Centro, a xefatura territorial e a conselleira de Traballo e Benestar.

Outras novas recentes

Mércores, 26 Marzo 2025

Boletín CIG-Saúde Laboral nº 59 - marzo 2025

Boletín do Gabinete Técnico Confederal de Saúde Laboral da CIG. Neste número: Riscos psicosociais e saúde mental no traballo: Que son os riscos psicosociais? Que importancia ten o problema? Que se pode facer para previr e xestionar os riscos psicosociais? Prevención e xestión dos riscos psicosociais relacionados co traballo Apoio ao persoal que se enfronta a retos...
Xoves, 03 Abril 2025

A CIG denuncia a opacidade da EGAP na selección, retribucións e compatibilidades do persoal formador

Entre os cometidos da Escola Galega de Administración Pública (EGAP) atópase a formación do persoal propio da Administración. Boa parte desta formación impártea persoal empregado público, que é  seleccionado polos órganos de dirección das diferentes consellerías en colaboración coa EGAP. A Lei 53/1984, do 26 de decembro, de incompatibilidades do persoal ao servizo das...
Martes, 25 Marzo 2025

O despropósito do Plan de axilización da dependencia + discapacidade

O pasado 3 de marzo a Xunta de Galiza, nunha comparecencia pública do Presidente Rueda, anuncia o Plan de axilización e simplificación dos trámites da dependencia e discapacidade. Este plan, implementado dende xaneiro, basease segundfo refiren en: Na “redución ao máximo dos trámites” ao introducir un novo modelo de solicitude conxunta. Na creación de xefaturas de servizo de...