Novas por contido

A CIG e o resto de organizacións presentaron un escrito para solicitar que os grupos IV-004 e IV-005 tomen posesión xunto cos demais e non se adíe ata o verán e solicitaron tamén unha reunión co director xeral da Función Pública.

Con data do 03.04.13 se lle comunica ás organizacións sindicais por parte da Dirección Xeral da Función Pública as datas de toma de posesión postos adxudicados ao persoal laboral dos grupos I, II, III e IV no último concurso de traslados e na elección de destino definitivo dos últimos procesos selectivos.

Nesta comunicación a Dirección Xeral de Función Pública establece unhas datas de referencia para ambos colectivos (as traballadoras e traballadores que proceden dos procesos selectivos convocados no ano 2006 e os traballadores que obtiveron praza no último concurso), pero dun modo sorpresivo e certamente difícil de comprender, exclúe a dúas categorías (Coidador Auxiliar IV-4 e Oficial 2º de Cociña (IV-5). da dita toma de posesión ou elección de destino definitivo.

A motivación esgrimida pola Administración, para arremeter contra os dereitos destas traballadoras e traballadores, ven dada por “evitar alteracións que repercutirían negativamente en colectivos especialmente sensibles ao cambio como son os nenos con necesidades educativas ou alimentarias especiais.”

Ante esta situación a CIG e o resto de organizacións sindicais manifestamos a nosa oposición a tal medida de carácter arbitrario e discriminatorio e iso polas seguintes razóns:

En primeiro lugar, compre salientar que os traballadores que agora van tomar posesión definitiva dos seus postos, son traballadores/as participantes nun proceso selectivo convocado en abril de 2006, e levan en destino provisional dende o 2008. O abuso que esta a efectuar a administración da figura do destino provisional agravase aínda mais nas categorías de referencia, pois non soamente este colectivo ten que estar mais de cinco anos nesta situación EXCEPCIONAL, senón que ás categorías mencionadas, por se aquilo non fora bastante se lles prolonga esta situación varios meses mais.

Isto supón ademais unha evidente discriminación deste persoal respecto dos seus compañeiros de promoción xa que tendo dereito a unha antigüidade idéntica na administración similar, o feito de adiar a súa toma de posesión definitiva suporíalle un evidente prexuízo no seu dereito a carreira administrativa, tanto no que respecta a prazos de promoción interna horizontal, promoción interna vertical ou participación en sucesivos procesos selectivos. Estas últimas consideracións poden facerse igualmente respecto ao persoal que toma posesión dos seus postos obtidos por concurso de traslados.


Respecto a argumentacións esgrimidas pola Administración sobre o pretendido prexuízo que se lle causa aos rapaces, cabe salientar que:

Os oficiais de cociña 2ª non teñen trato directo cos rapaces mencionados. Pretender sustentar que un cambio de “cociñeiro” é motivo suficiente para non incorporar a un traballador fixo da Xunta e dubidar da súa profesionalidade e saber facer.


No que atinxe ao cambio dun cambio circunstancial de coidador, non supón ningunha diferenza o facelo agora ou o facelo a principio de curso. E máis, o cambio a principio de curso anual non so comporta o cambio de coidador, senón que, a maior abastamento, soe conlevar, cambio de compañeiros, cambio de mestre, sen que xurdan problemas de adaptación. Novamente a administración de Galicia parece poñer en dúbida a capacidade dos seus propios traballadores.

A discriminación respecto destas dúas categorías é aínda maior, tendo en conta que existen outros postos de traballo doutras categorías, tamén pertencentes a Consellería de Cultura, Educación e Ordenación Universitaria, tamén relacionados co traballo con rapaces con esta necesidades de apoio educativo e SEN EMBARGO non se adía a súa toma de posesión. Este é o caso da Categoría de Educadores.

O mesmo cabe argumentar respecto da categoría de Técnicos/as de Xardín de Infancia ou os oficias de 1ª de cociña, da Consellería de Traballo e Benestar.

Por outra banda dicir, que para casos excepcionais derivados do normal funcionamento dos servizos o Decreto de Provisión 93/91, do 20 de marzo, establece a posibilidade de adiamentos de ceses ou prorrogas de incorporación, mecanismos regulamentarios que serían os xuridicamente aconsellables para os casos singulares e debidamente motivados que puideran xurdir, sen que sexa aceptable para a CIG e o resto de organizacións sindicais o modo de proceder da Xunta de Galiza no presente caso por ser claramente lesivo aos dereitos dos traballadores afectados.

E por elo polo que a CIG e o resto de organizacións sindicais solicitamos con carácter de urxencia unha reunión conxunta co director Xeral da Función Pública.

Outras novas recentes

Xoves, 26 Xuño 2025

Improvisación do modelo único de oficina de emprego

O martes 24/06/25 tivemos unha nova reunión sobre a pretensión de reorganización do Servizo Público de Emprego de Galiza (SPEG) coa nova configuración da estrutura das oficinas de emprego. Hai que lembrar que a administración partía dunha proposta en que o servizo quedaba conformado polo seguinte persoal: Direccións, niveis 26 ou 25 sen manifestar criterio obxectivo para a...
Luns, 23 Xuño 2025

A extinción de incendios forestais na Galiza, cada vez máis perigosa e descoordinada

A CIG-Autonómica denuncia que un ano máis comezada a campaña de alto risco de incendios forestais seguimos sen ter unha xestión de persoal planificada e ordenada e destaca deficiencias no estado nas bases e no sistema de traballo dentro dos incendios forestais. No 2024, o Presidente da Xunta repetía a xustificación ante os incendios forestais do comezo do verán afirmando...
Mércores, 18 Xuño 2025

A CIG solicita ao Consello de Contas que fiscalice a EGAP

A CIG continúa coas súas actuacións encadradas na campaña «POR UNHA EGAP TRANSPARENTE E EN GALEGO», pola que denuncia a situación crítica da Escola Galega de Administración Pública (EGAP), despois de anos dunha xestión opaca, desgaleguizadora e que ignora as necesidades de actualización permanente de todo o persoal pertencente á Administración Xeral da Xunta de Galiza e...