Os días 29 e 30 de abril e 2 e 3 de maio de 2013, a Consellaría de Medio Rural ten previsto realizar as probas físicas e de agudeza visual aos integrantes das listas reguladas polo Decreto 5/2007, do 2e de xaneiro, polo que se modifica o Decreto 37/2006 do 2 de marzo, correspondentes a determinadas categorías de persoal laboral dos servizos de prevención e defensa contra incendios forestais.
A data de realización das probas será determinada pola orde alfabética dos apelidos dos/as aspirantes e será a seguinte en cada provincia:
|
Data |
Letra apelido |
|
29 de abril de 2013 |
A-B-C |
|
30 de abril de 2013 |
D-E-F-G-H-I |
|
2 de maio de 2013 |
J-K-L-M-N-Ñ-O-P |
|
3 de maio de 2013 |
Q-R- S-T-V-W-X-Y-Z |
O día e lugar das probas poderanse consultar a partires do venres 12 de abril na web da Consellaría do Medio Rural e do Mar, http://medioruralemar.xunta.es. Os/as aspirantes realizarán a proba na provincia do domicilio indicado na súa solicitude de inscrición nas listas. Os/as que teñan o seu domicilio fora de Galiza poderán realizar as probas en calquera das provincias en que pretendan traballar.
Os/as aspirantes deberán acudir á realización da proba provistos do DI e dun certificado médico oficial ou informe sobre o seu estado de saúde, asinado por un colexiado en exercicio no que se faga constar que non presenta enfermidade ou discapacidade que impida o correcto desenvolvemento dunha proba de esforzo físico. Dito certificado terá unha antigüidade máxima de 3 meses respecto da data de realización da proba.