Novas por contido

Os responsábeis políticos da consellaría de Sanidade e SERGAS queren diversificar as solucións ao problema de reordenación do persoal dos laboratorios de saúde pública que pechan en Coruña, Ourense e Pontevedra para centralizalos en Lugo.

Son tres as vías que están a seguir: ao persoal temporal (laboral e funcionario) móveno a Lugo; ao persoal fixo (tamén laboral e funcionario) ofrécenlle un ou dous postos (depende o caso) para recolocalo; e a oito persoas (tres funcionarios e cinco laborais) directamente lle moven o posto na RPT que está nestes intres enriba da mesa.

Resulta que descubrimos que unha das persoas da última solución é parella dun ex-delegado provincial de sanidade en Pontevedra dos tempos de Fraga, o que sen afirmar que nos oito casos exista tamén algún tipo de vínculo, de entrada fainos saltar as alertas e por tanto reafirmarnos no que xa reclamamos aos responsábeis de recursos humanos de sanidade na xuntanza do xoves 14 de novembro, de que:

- Retirasen da proposta de modificación da RPT a todos os postos afectados pola reordenación dos laboratorios.

- Que a solución ten que ser global, para todos os postos, fixando relación de persoas, de opcións, e de criterios para a asignación dos postos ás persoas.

En ningún caso aceptamos a excusa de que as persoas da "terceira vía" xa estaban a prestar servizos fora dos laboratorios. Confirman os nosos interlocutores que non estaban nen sequera en comisión de servizos, senon que simplemente os tiñan noutros servizos sen máis (así, con toda a cara do mundo, coa naturalidade de quen está na cociña da súa casa e e pensa que pode facer o que lle veña en gana).

Outras novas recentes

Xoves, 14 Agosto 2025

Arde Galiza e evidéncianse os problemas na xestión do servizo de incendios: accidentes e graves situacións de risco

Aínda non chegamos a segunda quincena de agosto e as previsións cúmprense antes de tempo. Estamos tendo unha campaña de verán de lumes durísima, altamente perigosa e con milleiros de hectáreas queimadas. Máis os expertos anuncian que o peor virá nas próximas xornadas con Grandes Incendios Forestais (GIF) e condicións de alto risco para a cidadanía e para as bombeiras e...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...