Novas por contido

A Xunta de Persoal dos servizos centrais denuncia na seguinte nota de prensa que a Xunta de Galiza está a pagar por uns servizos que non se prestan sen que a esta lle importe demasiado a pesar da elevada cantidade deste contrato. Din que cabe preguntarse se á Xunta lle sobra o diñeiro ata tal punto de poder permitirse este incumprimento ou se estamos ante un indicio de prevaricación.

O 31 de maio de 2012 formalizouse o contrato de limpeza dos distintos edificios administrativos da Xunta de Galicia. A empresa gañadora foi a única que se presentou: Limpiezas Pisuerga Grupo Norte, S.A. por valor de 5.597.861,00 € (IVE excluído); só 2.139€ por baixo do orzamento base de licitación 5.600.000,00 € (IVE excluído). Actualmente o dito contrato encontrase prorrogado.

Logo da lectura dos pregos, podemos asegurar que o mencionado contrato está sendo incumprido, sen que por parte da Administración se impoñan ao adxudicatario ningún tipo de penalización ou se teña resolto este, con perda da garantía, tal e como establecen os pregos e a lexislación correspondente.

Pola contra, a Administración actúa premiando o incumprimento do contrato por parte do contratista a través da súa prorroga. A modo meramente enunciativo destacar que:

a)      A empresa esta incumprindo do disposto no apartado 14.1 do prego de cláusulas administrativas, ao non realizar as substitucións do persoal que teña asignado o servizo de limpeza dos edificios dos servizos centrais.

b)      Non se están a realizar diversos traballos recollidos nos pregos tales como a limpeza anual das fachadas de pedra, limpeza quincenal de azulexos de aseos e servizos, limpeza quincenal de armarios e estantes, etc. nos servizos centrais (ver 5.2,6.8.1, 6.4.2., 6.4.3. do prego de prescricións técnicas)

Os mencionados feitos poderían ser constitutivos de indicio penal e prexudican gravemente a Administración e o resto de empresas da competencia que seguramente estarían dispostas a prestar os servizos que se están prestando (que non son os contratados) mesmo a un prezo menor que o facturado pola actual adxudicataria.

Non pode ser que unha empresa se beneficie do incumprimento do establecido nos pregos de contratación cuns aforros de custos e a administración non esixa o cumprimento do contrato senón que lle dea o visto bo a uns Servizos que non se prestan e si se cobran.

Un dos exemplos máis evidente e a fachada principal de pedra do edificio administrativo de San Caetano, onde se  aprecia claramente que leva anos sen limpar pese a que nos pregos se establece unha limpeza anual.

O anterior pódese comprobar cotexando a documentación do contrato que achegamos e facendo unha visita polas instalacións do edificio administrativo, onde se poden observar as deficiencias descritas (achéganse fotos). Agradecemos aos medios de comunicación a difusión desta nota e ás persoas con responsabilidades políticas que traballen para erradicar estas prácticas.

A Xunta de Persoal dos Servizos Centrais xa puxo en coñecemento dos grupos parlamentares da oposición o dito incumprimento.

Na fotografía pódese comprobar o estado da fachada do eficio administrativo de San Caetano que non se limpiou en anos.

Outras novas recentes

Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación. Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos...