Novas por contido

A Xunta de Persoal dos SSCC vén de dirixirse ao director xeral de Función Pública no enésimo intento de desbloquear a convocatoria da promoción interna do persoal funcionario. A través dun escrito contundente comezan expresando a súa "preocupación pola excesiva demora e reiterados incumprimentos sobre as previsións para a convocatoria".

Recordan que son xa tres as Ofertas de Emprego Público acumuladas no que se refire a estas prazas: 2009, 2011 e 2012. Durante este tempo, prazas do turno libre de corpos xerais foron xa convocadas, resoltas e as persoas que superaron o proceso selectivo están xa traballando. Argumentan tamén que "utilizando o discurso imperante na Xunta de Galicia sobre a xestión dos recursos humanos propios, hai que considerar que as convocatorias de promoción interna teñen un impacto económico moito menor para a propia Administración que o que ten o desenvolvemento doutros procesos selectivos de acceso libre".

Recordan tamén que durante estes últimos anos, en diversas Mesas Xerais, o director xeral da Función Pública asegurou a súa convocatoria inminente en reiteradas ocasión sen que chegara a crumprir a súa palabra.  Cualifican esta situación, a parte de  "totalmente incomprensible", como "claramente abusiva" por parte da Administración. Din que ésta, "esgrimindo a súa capacidade de autoorganización, atrasa sine die o dereito do persoal funcionario á súa promoción profesional".

Acusan á Administración autonómica de levar estes últimos anos utilizando o empobrecemento das súas traballadoras e traballadores co obxecto de chegar a cumprir uns obxectivos de déficit e castigandonos con outro tipo de medidas que tampouco tiveron un impacto económico tanxible.

Por outra banda, denuncian o uso político oportunista que desde a Consellaría de Facenda se lle está dando aos dereitos das empregadas e empregados públicos, nomeadamente da promoción interna, "utitilizando o anuncio da súa convocatoria como man de area ante unha man de cal de recortes", ou mesmo "para lavar a cara diante  dos comicios electorais europeos".

Por todo isto, dende a Xunta de Persoal, installe a Función Pública a:

  • Que non demore por máis tempo as convocatorias de promoción interna acumuladas durante varios anos e proceda á remisión inmediata dos borradores para a negociación no ámbito correspondente.
  • Que desde a consellaría se presenten desculpas ante o conxunto das empregadas e empregados públicos polos inconvenientes causados ante as falsas espectativas das supostas convocatorias “inminentes” destes procesos.
  • Que se compromenta a xestionar o dereito á promoción profesional do persoal funcionario con dilixencia e atendendo á obriga legal, sen caer en criterios de propaganda política.

Outras novas recentes

Xoves, 19 Novembro 2026

RPT Emprego, Comercio e Emigración (19/11/26)

A Consellería de Emprego, Comercio e Emigracion, convocounos a outra xuntanza, que vai ser o xoves 19 de novembro, para continuar coa sú aproposta de modificación da Relación de Postos de Traballo. Para esta xuntanza, a Consellería achegounos documentación complementaria que podes consultar aquí: Descargar Se queres dicirnos algo, podes contactar coa CIG.
Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación. Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...