Novas por contido
O Comité provincial chama a Xefatura Territorial a elaborar unhas quendas equilibradas e que garantan a mellor calidade asistencial
 
O Tribunal Superior de Xustiza de Galiza vén de declarar ilegais as carteleiras impostas pola Consellaría de Traballo e Benestar para o persoal laboral que presta servizos nos centros de atención a persoas con discapacidade, residencias de menores e residencias de maiores da provincia da Coruña. A sentenza recoñece que a elaboración das quendas de traballo obrigaba a unha negociación coa representación do persoal, principio que a Xefatura Territorial non levou a cabo.

O Comité de empresa presentara conflito colectivo contra as quendas de traballo impostas pola Xefatura Territorial, ao considerar que eran abusivas e desequilibradas. Até 2013 estas carteleiras se negociaban coa representación social, mesmo centro por centro, mais o pasado ano a Consellaría “aludindo á austeridade” impuxo unhas quendas “abusivas e escravistas”.

Neste senso, as traballadoras e traballadores dos centros dependentes de Benestar está a traballar até nove días seguidos e mesmo tres fins de semanas continuados, creándose situacións de sobrecarga e estres laboral que afectan tanto á conciliación da vida laboral e familiar do persoal como á propia calidade asistencial.

Aínda que a Consellaría recorreu a resolución xudicial en casación, dende o Comité de empresa confían en que a terá poucas opcións de gañar, polo que a administración “deberá cumprir a sentenza, chamarnos a negociar e modificar as actuais carteleiras, que están levando ao persoal a traballar en precario e sobre explotado”.

A este respecto, dende  o Comité informaron que teñen solicitada unha xuntanza coa Consellaría para tratar a sentenza do TSXG e garantir que se dea cumprimento á mesma, xa que nestes momentos se están a elaborar as quendas para o presente ano e a administración “continúa coa mesma actitude”.

Na comparecencia, o Comité tamén denunciou a “falsa austeridade” preconizada pola Xunta, porque “agora a administración vainos ter que pagar cartos, cando era máis sinxelo negociar unhas quendas axeitadas, racionais e que permitan dar unha atención adecuada”.

A sentenza do TSXG afecta aos centros de menores, residencias de terceira idade e centros de atención a persoas con discapacidade (CAPD) da provincia da Coruña e a uns 1.800 traballadores e traballadoras. Ademais, explicaron, o fallo ten carácter de cousa xulgada polo que permite a reclamación individual por danos e prexuízos.

O Comité tamén interpuxo conflito colectivo contra a xornada de verán, ao excluírse da mesma ao persoal laboral que presta servizos en centros de atención directa. Porén, o TSXG non estimou esta reivindicación.

Outras novas recentes

Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...