Novas por contido

Despois de insistirlle mes a mes, ano a ano, que tiña que convocar a Promoción Interna, por fin, na Comisión de Persoal do luns 30 de xuño, o director xeral da Función Pública anunciou que enviarían os borradores dos procesos.

Dende a CIG insistimos en que tiña que convocar a totalidade das prazas que se contemplaban nas Ofertas de Emprego Público dos anos 2009, 2011 e 2012, que están sen executar.
Anúncianos que convocarán a Promoción Interna de Corpos Xerais que ascende a un total de 320 prazas desglosadas do seguinte xeito:

  • A1- 50 prazas
  • A2- 40 prazas
  • C1- 80 prazas
  • C2- 150 prazas

Coméntanos que as probas serán do mesmo tipo que nas últimas convocatorias dos procesos libres coa diminución de temarios e probas habitual, aínda que nos borradores que nos envían isto se corresponde coas probas libres.

Informa tamén que a fase de concurso terá unha puntuación de 39,5 puntos, próxima ao 40% que se establece para estes casos sobre o conxunto da puntuación. Tamén se valorarán como mérito os servizos prestados noutras Administracións Públicas, cousa pendente de estudar se ao omitilo non se vulneran as sentenzas que dictan o contrario. Convócanos para unha reunión inicial o venres 4 de xullo e dí que haberá prazo ata o mércores 9 para presentar alegacións ás bases.

Aquí tes as bases para descargar. Se queres aportar algo, faino ao correo autonomica@cigadmon.gal

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...