Novas por contido

A CIG-Autonómica vén de presentar unha denuncia por presunto delito de usurpación de funcións públicas contra o supervisor do parque móbil da Xunta de Galicia.

A CIG-Autonómica ten coñecemento de que a Xunta de Galicia, no momento actual, ten subscrito un contrato de alugueiro de vehículos coa empresa ATESA. Esta organización sindical  ten constancia documental  de que, cando menos, nalgúns destes contratos figura como condutor/arrendatario, cos seus datos persoais, D. Ricardo Cabeza Rama, supervisor de parque móvil da Xunta de Galicia.

O Sr. Cabeza Rama, dentro do organigrama da Xunta de Galicia figura na correspondente relación de postos de traballo como mecánico supervisor, encadrado por tanto no grupo III do persoal laboral da Xunta de Galicia.

A CIG- Autonómica considera que a subscrición do citado contrato de alugueiro, de facerse, debería estar a cargo da Xunta de Galicia e non dunha persoa física. En todo caso, de selo, non é un mecánico da Xunta de Galicia a persoa axeitada para firmar e rubricar todos os contratos ao seu nome, e moito menos, cando a súa relación coa Administración non é a de funcionario de carreira, senón a de persoal laboral, o que, sen dúbida, implica que a actuación queda fora e ao marxe das súas competencias laborais.

A CIG-Autonómica entende que con este proceder supostamente tamén se podería estar a infrinxir un dos preceptos contidos no vixente Código Penal, concretamente o que fai referencia ás negociacións e actividades prohibidas aos funcionarios públicos e dos abusos no exercizo da súa función.

Tras do seu rexistro, Roberto Varela, secretario nacional da CIG-Autonómica, valorou que se está diante dunha suposta conduta delictiva, no momento en que a persoa denunciada está a exercer unhas funcións alleas ás propias do seu grupo e categoría profesional, iso sin ir máis alá, polo de agora, en canto aos motivos que puidesen esconder tal proceder. “Estamos diante duns feitos moi graves”, afirmou, “ao noso entender poderían ser constitutivos de ilícito penal”.

A CIG-Autonómica solicita da fiscalía que se investigue tamén se derivado desa actuación hai algún incremento patrimonial da persoa implicada nestes contratos ou das persoas do seu entorno familiar. “No caso de que houbera indicios, e iso puidera ser derivado destes contratos, o fiscal tería que actuar instando as actuacións que en dereito corresponden”, matizou.

Descargar denuncia.

Outras novas recentes

Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...
Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...