Novas por contido

As organizacións sindicais estabamos convocadas a unha xuntanza o venres 13 coa consellería de Medio Ambiente, para tratar a súa proposta de modificación da Relación de Postos de Traballo, na que destacaba a destrución de 101 postos de traballo.

A experiencia fainos saber que neste tipo de xuntanzas é posíbel modificar algunha cousa, pequena, sobre os postos de traballo: suprimir algún requisito imprescindíbel, cambiar a titulación requirida, cambiar a experiencia por formación, pasalo de requisito a mérito. Inclusive nalgunha ocasión teñen servido para cambiar a forma de acceso de libre designación a concurso, abrir a máis grupos. Ata temos visto como retiran a proposta de supresión dalgún posto.

Pero a experiencia tamén nos fai saber que o habitual é que as xuntanzas sexan un mérito trámite de audiencia, onde a proposta sae como entra.

Que a consellería nos convoque a discutir a destrución de 101 postos, un venres, ás 12:30 da mañá, significa que teñen a intención de despachar o asunto nunha ou dúas horas, como moito nos poderían convocar a unha segunda xuntanza se o tivesen a ben, e de aí pasaría á Mesa Xeral, Comisión de Persoal e DOG.

As catro organizacións sindicais decidimos que non, que non entrabamos a “negociar” nesas condicións, que polo menos cada un deses 101 postos de traballo é merecedor da súa discusión individualizada, que non vamos a dar por liquidado o asunto así de rápido, que polo menos teñen que escoitarnos con paciencia.

Finalmente a consellería non tivo outra que levantarse tamén e acordamos que nos convocarán para a semana que ven ou para a seguinte a unha nova xuntanza onde se tratará esta proposta co tempo e a atención que se merece.

Outras novas recentes

Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...