Novas por contido

O martes 16 aprobáronse na Comisión de persoal as bases das convocatorias dos procesos selectivos dos grupos A1, A2, C1 e C2 co voto en contra de todas as organizacións sindicais.

A CIG denunciou o por qué do endurecemento das bases, e o papel que xoga un grupo de subdirectores/as xerais e xefes/as de servizo, constituídos en asociación e que velan por manter o seu status de casta e bloquear o acceso do resto dos empregados/as públicos/as, influíndo directamente nas políticas de persoal, por ser parte deles á vez os representantes da Administración nas negociacións.

O Director Xeral de Función Pública, despois de asumir persoalmente o actuar dos seus subordinados, ameazou ás organizacións sindicais presentes con emprender accións contra nós pola vía penal. Nun discurso lamentable falando de que nos anos 30 tamén houbo persecución de funcionarios (esquecemos lembralle a Alexandre Bóveda, funcionario de Facenda asasinado en Poio), trata de facer ver que isto é acoso aos "seus" funcionarios, cando do que se trata realmente é de denunciar que el e o conselleiro son os responsables de asumir unha política de persoal deseñada pola casta dos/as subdirectores/as "pata negra" e que perxudica a todos/as os funcionarios.

E que non é moralmente compatible ser Administración e ser á vez parte implicada en alegar procesos selectivos.

Por outra banda, as alegacións "secretas" deste lobby, non se van facer públicas, porque segundo informa o Director Xeral, "non forman parte do expediente".

Xuntamos os arquivos coas bases. As únicas modificacións que non se recollen no texto son as seguintes:

Proceso selectivo para o ingreso no corpo superior de Administración da Xunta de Galicia, subgrupo A1:

- Base II.1.2 Primeiro exercicio

O cuestionario recaerá sobre normas legais en lugar de sobre temas. A relación de normas será coincidente coa que constitúe o obxecto do segundo exercicio (caso práctico).

Exclúense da relación de normas as dúas seguintes:

  • Real decreto 429/1993, do 26 de marzo. Regulamento dos procedementos das administracións públicas en materia de responsabilidade patrimonial: capítulos I a V.
  • Real decreto 1398/1993, do 4 de agosto. Regulamento do procedemento para o exercicio da potestade sancionadora: capítulo I a V.

-  Base II.1.3. Segundo exercicio.

Exclúense da relación de normas sobre as que versará o caso práctico as dúas seguintes:

  • Real decreto 429/1993, do 26 de marzo. Regulamento dos procedementos das administracións públicas en materia de responsabilidade patrimonial: capítulos I a V.
  • Real decreto 1398/1993, do 4 de agosto. Regulamento do procedemento para o exercicio da potestade sancionadora: capítulo I a V.

Proceso selectivo para o ingreso no corpo superior de Administración da Xunta de Galicia, subgrupo C1:

-  Base II.1.2. Primeiro exercicio.

Exclúese da relación de normas  sobre as que versará o cuestionario:

  • Decreto198/2010, polo que se regula o desenvolvemento da Administración electrónica na Xunta de Galicia.

-  Base II.1.3. Segundo exercicio.

Exclúese da relación de normas  sobre as que versará o caso práctico:

  • Decreto198/2010, polo que se regula o desenvolvemento da Administración electrónica na Xunta de Galicia.
Subgrupo Prazas
A1 50
A2 40
C1 80
C2 150

Descargar bases aprobadas (sen as modificacións aquí relatadas).

 

Outras novas recentes

Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...