A semana passada juntou-se a comissom de seguimento para o acordo de consolidaçom de emprego, que trabalha na criaçom das RPTs de pessoal laboral (primeira e segunda parte)
O tema vai passar directamente para a mesa geral ou intercentros. Pola parte da CIG pormenorizamos umha série de erros detectados e os representantes da Administraçom comprometérom-se a fazer umha revissom das sentenças e, daquela, corrigir os erros e informar-nos dos casos nos que, ao seu juízo, estejam correctos.
Além de chegarmos a um acordo no tema da RPT é fundamental conhecer (e propor) como vam ser os processos selectivos de jeito que se ajustem à legalidade e dêem cumprimento às sentenças e ao acordo. È preciso saber o pormenor dos seguintes passos que vam ser dados pola Administraçom, as datas previstas. Tal e como está agora este assunto da consolidaçom existe umha grande quantidade de pessoas, adscritas ao grupo I.4, para as que non existem garantias dum processo justo, isto é assim porque este grupo está actuando como um saco onde se botam alhos e bugalhos e, se nom se demonstra que com este esquema de RPT estes centos pessoas vam ter um processo selectivo justo e legal, daquela talvez for preciso mudar o esquema de RPT e criar categorias específicas, tal e como foi no seu dia feito para os veterinários.