Novas por contido

A CIG Presentou unha reclamación e o xoves 28  ás 13:00 horas está prevista unha arbitraxe.

Ourense, 27 de febreiro de 2019.- A CIG-Autonómica de Ourense defenderemos, no acto de arbitraxe previsto para o vindeiro xoves, día 28 de febreiro, ás 13:00 horas en Ourense, o dereito a voto das/os preto de 400 funcionarias/os que non poderán participar no proceso de eleccións sindicais ao non habilitarse nin mesas itinerantes, nin mesas nas súas localidades, nin facilitarse o seu desprazamento a Ourense.

Así impugnamos e reclamamos un procedemento arbitral no que solicitamos o amparo pola fraude electoral argallada entre CSIF, CCOO, UGT e a Xunta de Galiza.

Entendemos que hai fraude porque hai persoal que ten os seu centro de traballo até a 100 quilómetros da mesa o na práctica imposibilítaos para exercer o seu dereito a participar neste proceso. Este dereito debe prevalecer sobre intereses sectarios destas organizacións sindicais e todas e todos os funcionarios deben poder facelo nas mesmas condicións.

Sen medios que faciliten o desprazamento

Xunto a isto temos que denunciar que tampouco se puxo ao dispor do persoal funcionario ningún medio de transporte que facilite o desprazamento a Ourense para ir votar, nin se aclarou se existe algunha axuda de custo prevista que  compense os gastos derivados de participar no proceso electoral.

Lembramos que o horario previsto das votacións é de 9:00 a 14:30 horas, o que impide á xente que traballe a quendas ir en horario laboral, caso de que estiveran na de tarde ou incluso de noite. Neste sentido sinalamos que, de se producir un accidente, se fose en horario laboral sería “in itinere” pero tampouco queda aclarado se se consideraría como tal se ocorrera fóra do horario de traballo.

A decisión da Mesa Electoral Constitutiva do 18 de febreiro, forzada pola maioría  que conforman os sindicatos CSIF, CCOO e UGT de so ter mesas na cidade de Ourense foi recurrida pola CIG en tempo e forma. Porén a Mesa Electoral Coordinadora non  contestou avalando a proposta inicial.

Para a CIG o dereito a voto ten que estar por enriba dos intereses das maiorías que se establezan entre as organizacións sindicais. De feito lembramos que no resto do país, onde a CIG é maioritaria, sempre se garantiu que houbera mesas itinerantes para facilitar a participación.

A este respecto salientamos que a lei 9/1987, do 12 de xuño de órganos de representación, di que, no caso de haber dúbida ou conflito na disposición das mesas, as organizacións sindicais poden por maioría forzar a colocación, porque o que pretende a lei é ser garantista. En Ourense utilízase de forma mal intencionada para todo o contrario e limitar o dereito.

Outras novas recentes

Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...
Mércores, 18 Novembro 2026

Comisión de Persoal: promoción interna corpos xerais, eleccions destino veterinarios, gardacostas, PSX, funcionarización de categorías en...

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...