Novas por contido

O martes 26 tivo lugar unha Comisión de Persoal na que se aprobaron as convocatorias de varios procesos selectivos, a modificación da RPT do ISSGA e a formación en igualdade e prevención e loita contra a violencia de xénero. Tamén houbo información interesante en rogos e preguntas

MODIFICACIÓN DA RPT DO ISSGA

A pesares das dúbidas legais expostas pola CIG, a Administración non fixo ningún cambio. Descargar. A RPT foi aprobada co voto en contra de CIG e CCOO, e a abstención de CSIF e UGT.

PROCESO SELECTIVO C2-AUX.SPDCIF

A petición da CIG o DXFP aclara que non se pode participar simultaneamente na quenda de acceso libre e na de promoción interna. Tamén aclara que o tempo traballado na categoría 14 A Bombeiro/a forestal condutor/a computará para a especialidade de Bombeiro/a forestal. O mesmo coa experiencia profesional de emisoristas e vixiantes fixos que computarán para a especialidade de emisorista/vixilante/a fixo/a. Preguntado pola categoría de vixilante móbil que non ten correspondencia en ningunha escala, o DXFP di que proximamente traerán unha proposta. Retiran a valoración por puntos da proba física, retomando o de apto/non apto. Enviarán o documento final cos cambios introducidos. Descargar versión inicial da CP.

Aprobado coa abstención de CIG, voto a favor de CCOO e UGT, e voto en contra do CSIF.

PROCESO SELECTIVO A1-SAÚDE LABORAL

Cambios: suben o tempo do primeiro exame de 210 a 230 minutos e o do segundo de 130 a 150. O primeiro exame non será antes dos 12 meses posteriores á data de publicación da convocatoria no DOG. Enviarán o documento final cos cambios introducidos. Descargar versión inicial da CP.

Aprobado coa abstención de CIG e CCOO, e voto a favor de CSIF e UGT.

PROCESO SELECTIVO A1-SEGURIDADE E SAÚDE NO TRABALLO

Cambios: suben o tempo do primeiro exame de 210 a 230 minutos e do segundo de 130 a 150. O primeiro exame non será antes dos 12 meses posteriores á data de publicación da convocatoria no DOG. Enviarán o documento final cos cambios introducidos. En consonancia co exposto para a RPT do ISSGA, CIG plantexa dúbidas legais a respecto da titulación esixida. Descargar versión inicial da CP.

Aprobado coa abstención de CIG e CCOO, e voto a favor de CSIF e UGT.

PROCESO SELECTIVO A2-SAÚDE LABORAL

Cambios: suben o tempo do primeiro exame de 180 a 200 minutos e o do segundo de 100 a 120. O primeiro exame non será antes dos 12 meses posteriores á data de publicación da convocatoria no DOG. Enviarán o documento final cos cambios introducidos. Descargar versión inicial da CP.

Aprobado coa abstención de CIG e CCOO, e voto a favor de CSIF e UGT.

PROCESO SELECTIVO A2-SEGURIDADE E SAÚDE NO TRABALLO

Cambios: suben o tempo do primeiro exame de 180 a 200 minutos e o do segundo de 100 a 120. O primeiro exame non será antes dos 12 meses posteriores á data de publicación da convocatoria no DOG. Enviarán o documento final cos cambios introducidos. Descargar versión inicial da CP.

CIG e CCOO abstención, CSIF e UGT a favor. En consonancia co exposto para a RPT do ISSGA, CIG plantexa dúbidas legais a respecto da titulación esixida.

FORMACIÓN EN IGUALDADE E PREVENCIÓN E LOITA CONTRA A VIOLENCIA DE XÉNERO

Proposta de Orde de Vicepresidencia e Consellería de Presidencia, Admóns. Públicas e Xustiza, pola que se establece o procedemento de recoñecemento e validación previsto no Decreto 70/2017, do 13 de xullo, polo que se regula a formación en igualdade e prevención e loita contra a violencia de xénero do persoal ao servizo da Administración da Comunidade Autonóma de Galicia, e se regula o Rexistro de persoal docente acreditado para impartir a formación en materia de igualdade e prevención e loita contra a violencia de xénero. Descargar versión da CP.

CIG denuncia que non houbo negociación, polo que vota en contra, CCOO e CSIF a favor e UGT abstención.

ROGOS E PREGUNTAS

O DXFP informa:

  • A vindeira MX será o venres e irán as bases de subalternos, a de ordenanzas, a de técnicos estatísticos e a de letrados (finalmente estas dúas non entraron). Con esto remataría o primeiro ciclo de convocatorias.
  • A finais de marzo, nun segundo ciclo, virá a negociación dos procesos da escala de Servizos Sociais (médicos/as, psicólogos/as, enfermeiros/as, terapeutas ocupacionais, etc) preto de 600 prazas para aprobar en abril.
  • Nos vindeiros días virá a orde que regulamenta a concesión do grado I do procedemento extraordinario de carreira profesional, coa intención de aprobala en marzo.
  • Manteñen a intención de aprobar a OEP 2019 no primeiro trimestre. Di o DXFP que a data máxima para levala ao Consello da Xunta é o 28/03/2019.

CIG pregunta pola aplicación do V Convenio ao persoal da Fundación Cidade da Cultura. Non lle consta petición ningunha nese senso. Mirarano.

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...