Novas por contido

Limítase a cubrir baixas mentres a Administración Xeral supera en 2.843 prazas

A Xunta de Galiza vén de anunciar unha oferta de emprego público (OEP) para 2019 que a CIG valora como insuficiente e que non mantén nin recupera emprego perdido xa que apenas cobre as baixas que se produciron o ano pasado. A falta de interese do Goberno galego en recuperar o emprego que destruíu nos últimos anos nos servizos públicos faise patente ao comparar a súa OEP coa que vén de presentar a Administración Xeral do Estado, que supera amplamente a taxa de reposición de efectivos.

Segundo os datos ofrecidos polo Goberno Estatal na AGE as baixas que se produciron no conxunto do persoal ao seu servizo ascenderon até os 8.979. En marzo de 2018 CCOO, UXT e CSIF acordaron co goberno o mantemento de taxas de reposición polo que non se pode xerar novo emprego e que a Xunta ratificou na súa lei de orzamentos. De cumprirse esta previsión, a OEP para 2019 no estado corresponderíase cunha oferta de 8.495 prazas. Porén, a Administración Xeral do Estado inclúe nela 11.338 prazas de ingreso libre e 8.350 de promoción interna, 2.359 postos a maiores das baixas.

En Galiza só as 543 prazas correspondentes á taxa de reposición

Pola contra, o Goberno galego auto limítase e presenta unha ficticia OEP de 2.617 prazas das que unicamente 543 son de acceso libre e supoñen novo emprego, xa que o resto (estabilización e movementos internos-promoción interna) que, como o propio Núñez Feijoo recoñeceu, se limita a cubrir as baixas do ano pasado.

En consecuencia, esta oferta pública resulta raquítica e insuficiente toda vez que non compensa o emprego público perdido nos últimos exercicios e tampouco ten en conta a promoción interna do persoal. A falta de vontade política para mellorar a eficiencia dos servizos públicos na Administración galega queda de manifesto se se compara coas cifras de oferta de emprego público ofrecidas polo Goberno estatal.

Por iso, a CIG reclama que a Xunta de Galiza tome exemplo e non siga auto limitarse con taxas que o único que fan e xerar servizos de subsistencia e empeorar os servizos públicos mentres ten que externalizar a empresas o traballo que deberán facer os empregados e empregadas publicas.

Outras novas recentes

Mércores, 25 Xuño 2025

Concurso persoal veterinario e persoal de laboratorios, mantemento, condución, cociña, capataz, mecánico naval, patrón, guía patrimonio n...

Onte, día 24 de xuño foi a Mesa Sectorial de Funcionarios dous concursos no que se trataou o Concurso de Persoal Veterinario e o Concurso de persoal de laboratorios, mantemento, condución, cociña, capataz, mecánico naval, patrón, guía patrimonio natural, mariñeiro-vixiante, limpeza, subalterno. Tamén se nos aportou información importante sobre o concurso de "escalas...
Mércores, 25 Xuño 2025

Cursos AFD en centros de ensino públicos. Máis carga de traballo sen compensacións!

O persoal non docente nos centros de ensino ve incrementada de novo a súa carga de traballo sen contraprestacións. No marco do acordo de colaboración entre a Consellaría de Educación, Ciencia, Universidades e Formación Profesional e a Consellaría de Emprego, Comercio e Emigración, ofértanse as accións formativas do Plan Formativo para o emprego (cursos AFD).Na Orde do 1 de...
Martes, 24 Xuño 2025

Voto a favor condicionado da CIG-Autonómica ao I Plan de Igualdade do Consello de Contas (23/06/2025)

A CIG avoga por un I Plan de Igualdade máis ambicioso e efectivo, cun ámbito temporal de 3 anos de duración —en vez de 4—, ademais de promover que a enquisa de igualdade ao persoal se adiante ao primeiro ano do plan. Consello de Contas de Galiza: 18 anos de atraso na aprobación do I Plan de Igualdade Todas as Administracións Públicas teñen a obriga de contar cun plan de...