Novas por contido

A CIG obrigou a conselleira a dar explicacións no Parlamento galego

A conselleira de Política Social fixo o martes 12 caso omiso das advertencias a respecto da problemática laboral que repercute negativamente na calidade asistencial dos centros da súa competencia, entre eles os de maiores e os de menores. A comparecencia de Fabiola García produciuse a petición dos grupos parlamentarios da oposición, aos que a CIG-Autonómica lles trasladou a situación real dos cadros de persoal e da atención aos usuarios/as.

Dende a CIG denunciamos que a comparecencia da titular de Política Social foi exercicio de demagoxia e de propaganda electoral e lamentamos que se centrase case unicamente en louvar as bondades das donacións privadas por parte da Fundación de Amancio Ortega mediante a que se crearán sete novos centros nas principais cidades do país. O que non precisou en ningún momento, a pesar de que se lle interpelou en distintas ocasións, foi se a xestión dos centros vai ser pública ou privada.

A conselleira botou man de datos moi cuestionábeis para xustificar a situación actual de falta de persoal e das condicións laborais de pseudo explotación que padecen as traballadoras/es. Lembremos que o propio Consello de Contas de Galiza recoñece a non substitución de persoal “Tras inspeccionar só 10 centros constatou que había da orde de 10.022 días sen substitucións de persoal (vacacións, permisos, etc.), o que equivalería á contratación de 7 enfermeiras/os e 40 Tecae”.

En canto ao ratios de persoal nos centros, a CIG sostén que a Consellaría falsea os datos para dar a entender que se cumpren. Ademais, a adaptación de postos de traballo tampouco se cubre co persoal necesario, xa que o aumento de traballadoras/es con problemas físicos derivados da excesiva carga de traballo, e que como consecuencia están limitadoas/os laboralmente, non é cuantificado nin cuberto, o que aumenta a carga de traballo do conxunto do persoal.

A isto hai que sumar que os cadros de persoal están cada vez máis envellecidos e que usuarias/os son máis dependentes pola súa maior idade. Como consecuencia, é a Consellaría que maior número de baixas e sinistralidade laboral rexistra.

Recorte de dereitos

A maiores, estes centros atenden a persoas con distintos tipo de patoloxías, mesmo psiquiátricas, que non teñen que ver coa problemática da terceira idade. Isto é así porque se fan cargo dos pacientes derivados dos centros especializados que foron desmantelados. Nin os centros nin o persoal están preparados para atender este tipo de problemáticas.

O persoal perdeu 22 días de compensación anual, polo que a Xunta aforrou a contratación de 800 persoas

Tamén fixemos fincapé no feito de que como consecuencia dos recortes na administración pública coa escusa da crise suspendeuse o artigo 19 do convenio de persoal laboral, que entre outras cuestións, compensaba en descanso o traballo realizado en domingos e festivos o que provoca xornadas laborais extenuantes.

O persoal destes centros gozaba dunha media de 22 días de compensación anual, polo que estamos a falar de que se aforraron a contratación de 800 persoas. Polo tanto, esta carga de traballo recae no persoal actual. A oposición reclamoulle que volvese a recuperar este artigo xa que non se cansan de repetir que economía galega vai ben, e tendo en conta que ademais estas medidas da Xunta eran supostamente de carácter provisional.

Como exempo da precariedade que padece o persoal desta Consellaría, lembramos que moitas persoas optan pola suspensión de chamamentos na lista de contratación. Finalmente, dende a oposición instaron a conselleira a recibir as delegadas/os sindicais da CIG e traballadoras/es dos centros presentes na sesión para que lle transmitiran de primeira man a realidade dos centros, pero fixo caso omiso.

Outras novas recentes

Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...