Novas por contido

O goberno do PP presenta, un ano mais, e xa van 8, a suspensión do art. 19.1 do convenio colectivo nunha das disposicións adicionais da lei de acompañamento dos orzamentos da Xunta de Galiza para o ano 2020. Esta nova prórroga da suspensión significa que continuaremos sen o descanso mínimo semanal de dous días ininterrompidos aos que haberá que engadir o descanso de 12 horas entre xornadas de traballo. Esta prórroga da suspensión súmase á da 2º parte do art. 19, descanso adicional do 75 por 100 do tempo de prestación polo traballado en quendas de domingos e festivos recollido na Lei 1/2012, de medidas temporais en determinadas materias do emprego público da Comunidade Autónoma de Galiza.

Todos os grupos parlamentarios da oposición, PSOE, BNG, En Marea e o Grupo Común da Esquerda, teñen presentadas sendas emendas á Lei de Orzamentos para o 2020 para que se aplique o art. 19 do convenio ao persoal laboral coa necesaria eliminación da súa suspensión.

A CIG levou ao pleno do comité intercentros do persoal laboral da Xunta de Galiza, celebrado o 19/11/19, a necesidade de mobilizarse para apoiar as emendas presentadas polos grupos da oposición, cunha concentración diante do Parlamento onde o persoal laboral da Xunta de Galiza esixa a devolución do art. 19 do V convenio colectivo, porque a reivindicación non é só de carácter político; é unha reivindicación de carácter laboral

A CSIF está de acordo con esta proposta e se reafirma na recuperación de dereitos.

Pola contra, e sorprendentemente, CCOO e UGT non están de acordo con ningún tipo de mobilización. Estas dúas organizacións sindicais, alegan unha “negociación” dunha hipotética redución horaria no seo da mesa de seguimento do Acordo de concertación do emprego público de Galiza para non esixir na rúa a devolución dos nosos dereitos roubados polo goberno do PP.

Outras novas recentes

Xoves, 23 Outubro 2025

Resumo da Comisión de Seguridade e Saúde Laboral da Consellaría do Mar

Na xuntanza da Comisión de Seguridade e Saúde laboral da Consellaría do Mar, celebrada o pasado 16 de outubro tratouse a problemática do radón, os resultados das avaliacións de risco (AR) de varios servizos, a necesidade de formación en condución segura así como aspectos relacionados coa roupa de traballo. Medicións de Radón. Das medicións levadas a cabo nos centros da...
Martes, 21 Outubro 2025

Borradores dos procesos selectivos de corpos xerais, PSX, auxiliar de clínica e psicoloxía

Dende a Dirección Xeral de Emprego Público e Administración de Persoal remítenos os borradores de convocatorias dos seguintes procesos selectivos para alegacións ata o venres 31 de outubro ás 15:00 horas. Corpo auxiliar da Administración xeral da Comunidade Autónoma de Galicia, subgrupo C2, escala de persoal de servizos xerais (PSX). PI. Descarga documentación Corpo de...
Venres, 17 Outubro 2025

Publicado o Real Decreto que recoñece a xubilación anticipada dos e das axentes ambientais pero “non os aplica” de xeito directo

O Real Decreto 919/2025, de 15 de outubro, regula os coeficientes redutores da idade de xubilación aplicables ao persoal axente forestal e ambiental das administracións públicas.  Este avance é unha conquista colectiva do persoal axente ambiental e tamén froito da presión e do traballo sindical desenvolto pola CIG durante a tramitación da Lei básica que permitiu incorporar...