Novas por contido

O evidente caos que se está a producir co comezo das vacinacións nos centros educativos xera unha gran alarma xa que de seguir así haberá centros onde haxa parte do persoal vacinado e outra parte pola contra sin vacinar, poñendo así en risco a toda comunidade educativa.

Para a CIG-Autonómica debe ser un criterio axustado a prevención do risco laboral que é a covid, tendo en conta tanto o mantemento de todo o servizo educativo como o factor sanitario e por suposto a dispoñibilidade de vacinas.

A Consellería de Educación e a Consellería de Sanidade nun documento conxunto enviado ás direccións dos centros deixaba claro que a vacinación abranguería progresivamente a todo o persoal docente e non docente dos centros educativos non universitarios, públicos e privados. Que a única priorización sería o persoal menor de 55 anos segundo o establecido na “Estrategia de Vacunación Covid-19” do Goberno de España e en función da dispoñibilidade de vacinas subministradas polo goberno central.

A derradeira versión da “Estrategia” do Goberno (09.02.2021) establece o “Grupo 6B. Docentes y persoal de educación infantil y educación especial, incluyendo tanto docentes como otros profesionales que atienden al alumnado” e o Grupo 6C. Docentes y personal de educación primaria y secundaria”.

En vista do anterior, a CIG-Autonómica non entende nin comparte que non se tivera en conta á representación do persoal non docente á hora de tratar este asunto para buscar solucións que non discriminen a este persoal.

E por outra banda, parece esperpéntico que unha consellería, teñan que asinar un documento cunha parte da representación do persoal para lembrarlle a outra consellería que está a incumplir tanto a normativa do Goberno do Estado como o seu propio Plan Galego de Vacinación

Dende a CIG-Autonómica esiximos a vacinación dos centros enteiros e a todo o seu persoal: docente, non docente, de empresas e concellos, colaboradores/as... porque o risco de contaxio é o mesmo e ademais é a única forma de garantir que o servizo siga funcionando.

Todas e todos somos esenciais !!

Outras novas recentes

Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...