Novas por contido

A Dirección Xeral de Función Pública comunicou o xoves 13 de maio os lugares e as datas previstas para a realización dos exercicios dos procesos selectivos que se indican máis abaixo.

As sedes nas que se poderán realizar os exercicios son:

  • SILLEDA: Feira Internacional de Silleda, Recinto Feiral, s/n - 36540 Silleda
  • LUGO: Pazo de Feiras e Congresos de Lugo, Av. dos Deportes, s/n, 27004 Lugo
  • VIGO: IFEVI. Avda. do Aeroporto, 772. 36318 Vigo

Unha semana antes da data prevista, as persoas aspirantes poderán comprobar o día, a sede, o pavillón de cada sede e a hora de chamamento, dende o web de Función Pública.

Esta previsión conta con autorización provisional de Saúde Pública, que deberá ser confirmada en función da evolución epidemiolóxica da pandemia.

Esta é a relación de exercicios previstos:

Proceso selectivo Data exercicio Nº exercicio Hora chamamento Lugar
C1 Administrativo (*) 12/06/2021 1º 9:00 Silleda, Vigo, Lugo
III-2 e III-62 12/06/2021   9:00 Vigo
A1 Superior (libre) 12/06/2021 2º 16:30 Silleda
I-004 Titulado/a superior 12/06/2021 2º 16:30 Silleda
A2 Xestión (libre) 13/06/2021 2º 9:00 Silleda
II-007 Titulado/a grao medio 13/06/2021 2º 9:00 Silleda


(*) O comunicado de FP non especifica se C1 Administrativo é só libre como si indica en A1 e A2. Feita unha consulta a Función Pública a información inicial era que C1 Administrativo sería acceso libre e promoción interna. Pero os números non coincidían, polo que feita unha segudna consulta, din que vai ser unicamente acceso libre. 

E as datas da promoción interna e do resto dos procesos de libre?

Na Mesa Xeral do 12 de maio, a resposta que dende a CIG lle fixemos foi que "...están pendentes da autorización de Saúde Pública e cando a teñan poñerano en coñecemento dos sindicatos. Engade que esta comunicación podería ser en un, dous, tres días, que está practicamente feito."

En xuntanzas previas, a información que deu o director xeral de Función Pública era que antes de agosto serían os exames de corpos xerais de todos os grupos, tanto de libre como de promoción interna, ben os primeiros exercicios, ben os segundos cando xa se fixeran os primeiros. 

Neste comunicado do xoves 13 non din nada da data de libre de auxiliar administrativo e subalterno, nin de promoción interna de A1, A2, C1 e C2. Estará o DXFP agardando a que quede exactamente un mes para anunciar os seguintes exercicios?

Outras novas recentes

Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación. Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...