Novas por contido

O Consello da Xunta aproba novos graos e pagos na carreira profesional do persoal administrativo do Sergas mentres a carreira da Administración Xeral da Xunta segue parada.

A CIG foi moi crítica coa  Carreira Profesional da Administración Xeral da Xunta de Galiza, non polo que significaba unha carreira profesional, que niso sempre estivemos de acordo, senón polas condicións que se implementaban na nosa carreira; en resumo: pagábanos menos (só accediamos ao grao I independentemente da antigüidade), en “cómodos prazos” que nos parcelaban tanto os pagos (no subgrupos A1 e A2 aínda os demoraban máis), que non viamos  sequera o horizonte de 2040 coa carreira rematada. Para máis, excluían ao persoal laboral fixo que non se funcionarizase, ao temporal e aos funcionarios interinos. E para rematar pendía sobre ela a espada de Damocles ao condicionala ás dispoñibilidades orzamentarias.

Fomos moi criticados por non dar o voto a favor e mesmo por denunciar as súas eivas e discriminacións conscientes, Comparabámola con algunha administración local, por exemplo o Concello de Santiago, e coa xa aprobada do Sergas, onde se acordou (desta vez si que co apoio da CIG) unha carreira profesional moito máis vantaxosa.

Pois ben, o pasado xoves 7 de maio, o Consello da Xunta aprobou unhas novas implementacións para a carreira profesional do Sergas que se concretan en:

• Permite a parte do persoal cos requisitos de antigüidade e formación acceder aos diversos graos, I, II, III e IV, cousa que na Administración Xeral imos polo grao I, e sen saber nada de nada polo de agora do grao II.

• Parcela os pagos entre o 2021 e 2022, recordamos que na Xunta temos como tres ou catro anacos para o grao II, o do III e IV xa é unha entelequia de “regreso ao futuro”.

• Confirma os pagos na nómina de maio con efectos retroactivos a 1 de xaneiro; e aquí seguimos esperando.. nin sequera abriron prazo de solicitude para o grao II.

Isto confirma que as funcionarias/os da Administración xeral da Xunta non lle importamos moito ao señor Feijoo, somos os parvos útiles deste mercadeo de carreiras profesionais á carta, das que sempre saímos malparados.

E, por se quedan dúbidas, do que estamos a falar é de persoal da administración do Sergas non de persoal sanitario.

Señor Núñez... estamos fartos de ser persoal de segunda. Séntense a negociar para mellorar as condicións da carreira profesional para a Administración xeral e paguen o que deben.

Outras novas recentes

Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...