O Consello Galego de Relacións Laborais lanza a convocatoria da 21ª edición do Curso Superior de Relacións Laborais.
O 08/09/2010 foi publicado no DOG a convocatoria dunha nova edición do Curso Superior de RRLL (220h). Este curso diríxese a todas as persoas que están interesadas en adquirir unha formación e/ou actualización nas materias laborais en xeral, facilitando a súa capacitación para resolver as cuestións suscitadas polas relacións laborais e a xestión de recursos humanos e, en especial, ás persoas licenciadas en dereito, ciencias económicas e empresariais, ou a diplomados/as en relacións laborais, responsables de recursos humanos, xefes/as de relacións laborais, asesores/as e cadros das organizacións sindicais e empresariais, etc.
O curso ten a equivalencia de título propio pola Universidade de Santiago de Compostela e está organizado polo Servizo de Posgrao e Terceiro Ciclo. A inauguración do curso terá lugar o 12 de novembro de 2010 e rematará o 10 de xuño de 2011. As clases impartiranse nas aulas da Facultade de Dereito de Santiago de Compostela e o horario normal de actividades será en sesión de tarde, desde as 16.30 ata as 20.30 horas. O prazo de admisión de solicitudes de inscrición comezará o 1 de setembro e rematará o 30 de setembro de 2010.
Información adicional:
Secretaría Técnica do Consello Galego de Relacións Laborais
- Algalia de Abaixo, 24, 15781 Santiago de Compostela,
- 981 95 74 89
- maria.jesus.diaz.lorenzana@xunta.es
- http://cgrl.xunta.es