Presentámosche a proposta da CIG para un Acordo marco regulador que recolla os dereitos laborais do persoal funcionario e laboral que non están na Lei de Emprego Público da Galiza.

Con este documento pretendemos activar a Xunta e obrigala a negociar as condicións específicas que temos nos nosos centros de traballo e evitar que se perdan dereitos coa funcionarización ao tempo que melloramos e definimos outros para todas.

ANTE A PERDA DE DEREITOS LABORAIS, NEGOCIACION !

O V Convenio Colectivo Único regula os dereitos do persoal laboral pero a Xunta mantén varios artigos suspendidos dende o 2012 precarizando as condicións de traballo.
Na vez de aproveitar a funcionarización para facela mais apetecible e recuperar e trasladar os dereitos á Lei de Emprego Público a Xunta négase, máis o que si deixou claro é a continuidade da prestación dos servizos pero, baixo que condicións?
Sabemos que si non facemos nada as que temos condicións especiais de traballo imos ter problemas nos centros. Necesitamos negociar carteleiras, ter definidos os descansos e os máximos de traballo nos festivos, fins de semana e noites así como máis cousas que se perden para sempre. Está en perigo de extinción o 50% de reserva para as promocións internaS, as superiores categorías ou as adscricións temporais reguladas.

Convertamos a desfeita nunha oportunidade para ampliar dereitos e regular, obriguemos a Xunta a negociar!

Temos alternativa e con iniciativa presentamos esta proposta de Acordo marco regulador, onde recollemos os dereitos do V Convenio pero tamén procuramos aportar novas solucións para todas e sen discriminacións nin diferencias entre réximes xurídicos ou colectivos. Posiblemente quedaron cousas atrás ou algunhas se poden mellorar. Contamos contigo para avanzar.

Podes descargar o díptico nesta ligazón.