No DOG do 7 de febreiro de 2023 publícanse novas modificacións nas convocatorias de estabilización:
- Publicanse os temarios da escala de ciencias, especialidade de química, subgrupo A1 e da escala de persoal de mantemento, da agrupación profesional.
- Fanse correccións no temario da escala técnica de finanzas, subgrupo A2.
- Modifícanse as bases de todas as convocatorias por concurso de méritos e por concurso-oposición.
SISTEMA DE CONCURSO DE MÉRITOS
Convócanse procesos selectivos de estabilización nas seguintes escalas/especialidades ou categorías:
- 1 praza de analista xestor de contidos web (persoal propio do Cixtec), do grupo II.
- 1 praza da escala de axentes de inspección, especialidade CONSUMO, subgrupo C1.
- 16 prazas da escala de persoal de mantemento, subgrupo AP.
O prazo de solicitudes é do 10 de febreiro ao 10 de marzo (inclusive)
Ábrese un novo prazo de presentación de instancias pola quenda de discapacidade dos seguintes procesos selectivos:
- 3 prazas na escala de Facultativos, especialidade Psicoloxía, subgrupo A1
- 2 prazas na escala de Enxeñeiros técnicos, especialidade Enxeñería técnica forestal, subgrupo A2
- 10 prazas na escala de persoal de servizos xerais (PSX), subgrupo C2
O prazo de solicitudes é do 10 de febreiro ao 10 de marzo (inclusive)
Modifícase a resolución da convocatoria dos corpos e escalas do subgrupo A1:
- No anexo I "Prazas convocadas persoal funcionario" elimínase a escala superior de saúde Laboral. As persoas aspirantes afectadas poderán solicitar a devolución das taxas, nos termos establecidos na convocatoria.
- Engádese a categoría 21 como equivalente no anexo IV «Táboa de equivalencias de escalas/categorías», para o proceso selectivo Corpo superior da administración xeral.
Modificase a resolución da convocatoria dos corpos e escalas do subgrupo A2:
- Créase a categoría de analista xestor de contidos web (persoal Cixtec) no anexo II "Prazas convocadas persoal laboral"
- Na escala de axudantes de arquivos, bibliotecas e museos modifícase a titulación (Diplomado ou graduado nunha titulación da rama de artes e humanidades e da rama de ciencias sociais e xurídica).
- No proceso de analista xestor de contidos web a titulación é título universitario oficial de diplomado ou graduado nunha titulación de calquera rama.
Modificase a resolución da convocatoria dos corpos e escalas do subgrupo C1:
- Na escala de Axentes de Inspección créase a especialidade de Consumo.
- Na escala técnica de conducción substitúese o carné de conducir C+E por carnet de conducir C1.
- Modifícase o anexo IV "Táboa de equivalencias de escalas/categorías"
Modificase a resolución da convocatoria dos corpos e escalas do subgrupo C2:
- Na escala auxiliar do servizo de prevención e defensa contra incendios forestais, elimínanse as especialidades de emisorista/vixiante/a fixo/a e de bombeiro/a forestal-condutor/a motobomba. As persoas aspirantes afectadas poderán solicitar a devolución das taxas, nos termos establecidos na convocatoria.
- Engádese a categoría 17 como equivalente no anexo IV «Táboa de equivalencias de escalas/categorías», para o proceso selectivo Corpo auxiliar.
Modificase a resolución da convocatoria dos corpos e escalas do grupo Agrupación Profesional:
- Créase a escala de persoal de mantemento no anexo I.
- Engádese a escala de persoal de mantemento no anexo III "Táboas de equivalencias de escalas/categorías"
SISTEMA DE CONCURSO-OPOSICIÓN
Convócanse procesos selectivos de estabilización nas seguintes escalas/especialidades ou categorías:
- 56 prazas da escala auxiliar de prevención e defensa contra incendios forestais, especialidade de bombeiro/a forestal, subgrupo C2
- 2 prazas da escala de persoal de mantemento, subgrupo AP.
O prazo de solicitudes é do 10 de febreiro ao 10 de marzo (inclusive)
Modifícase a resolución da convocatoria dos corpos e escalas do subgrupo A1:
- Indícase o temario que rexirá para a escala de Ciencias, especialidade Química, subgrupo A1
- Engádese a categoría 21 como equivalente no anexo IV «Táboa de equivalencias de escalas/categorías», para o proceso selectivo Corpo superior da administración xeral.
Modificase a resolución da convocatoria dos corpos e escalas do subgrupo A2:
- Na escala de axudantes de arquivos, bibliotecas e museos modifícase a titulación (Diplomado ou graduado nunha titulación da rama de artes e humanidades e da rama de ciencias sociais e xurídica).
Modificase a resolución da convocatoria dos corpos e escalas do subgrupo C1:
- Modifícase a base III.1.1.Exercicios, no referente á estrutura dos mesmos.
- Na escala técnica de conducción substitúese o carné de conducir C+E por carnet de conducir C1.
- Modifícase o anexo IV "Táboa de equivalencias de escalas/categorías" onde di: Escala técnica de recursos naturais e forestais, debe dicir: Escala técnica de recursos naturais e forestais. Especialidade capataz.
- Nese mesmo anexo IV para o proceso selectivo Corpo administrativo da administración xeral, engádese a categoría 32 como equivalente.
Modificase a resolución da convocatoria dos corpos e escalas do subgrupo C2:
- No anexo I, na escala auxiliar do servizo de prevención e defensa contra incendios forestais, créase a especialidade de bombeiro/a forestal e eliminase a especialidade de bombeiro/a forestal/condutor de motobomba na escala auxiliar do servizo de prevención e defensa contra incendios forestais. As persoas aspirantes afectadas poderán solicitar a devolución das taxas, nos termos establecidos na convocatoria.
- Na base II.3, modificada pola resolución do 20 de xaneiro de 2023, onde di: Celga 4, debe dicir: Celga 3.
- Modifícase a base III.1.1.Exercicios para a escala auxiliar do SPDCIF e a categoría 33 condutor/a motobomba.
- No anexo III "Titulacións" modifica as de Especialidade bombeiro/a forestal e as das escalas auxiliares de cociña, mantemento e laboratorio.
- No anexo IV "Táboa de equivalencias de escalas/categorías" para o proceso selectivo Corpo Auxiliar, elimínanse as categorías 12 e 38 e para o proceso selectivo da escala técnica de análise de laboratorio elimínase a categoría 26. Na especialidade de bombeiro/a forestal engade as categorías 14 e 14A do grupo V do V Convenio.
Modificase a resolución da convocatoria dos corpos e escalas do grupo Agrupación Profesional:
- Créase a escala de persoal de mantemento no anexo I.
- Na base II.3, modificada pola resolución do 20 de xaneiro de 2023, onde di: Celga 4, debe dicir: Celga 3.
- Engádese a escala de persoal de mantemento no anexo III "Táboas de equivalencias de escalas/categorías"