A CIG reclama perante a Administración Pública que se dean instrucións claras e non discriminatorias no que atinxe ao dereito de todo o persoal a ser compensado pola participación nos Consellos Escolares dos centros educativos públicos galegos.

A CIG ven de presentar con data 11 de xuño, unha solicitude de información sobre a discrecionalidade no dereito a compensar con dúas horas o tempo de asistencia aos consellos escolares dos centros educativos por parte do persoal non docente, polo menos naqueles casos en que en idénticas circunstancias así se proceda co persoal docente.

Temos constatado o diferenciado criterio da administración ante o seu persoal. Por un lado ao persoal docente se lle recoñece a posibilidade de compensar con dúas horas complementarias o tempo de participación nos consellos escolares, prerrogativa das direccións dos centros, cousa que non se lle recoñece ao persoal non docente a pesar de que a súa participación poda ser incluso automática, tal e como reflexa a lexislación: “os centros docentes nos que exista un só membro correspondente a este sector quedará automaticamente integrado no Consello Escolar”, sen que se recolla compensación algunha.