O pasado venres 14 de marzo fomos convocados a unha xuntanza previa para os efectos de tratar a modificación parcial da RPT da consellería de cultura, Lingua e Xuventude.

Informan de que esta modificación parcial urxente obedece á necesidade de adaptarse á nova estrutura da Xunta de Galiza, recodificando unha serie de postos e financiando a estrutura coa amortización dun posto de persoal de limpeza na Coruña. Comunican que cambios de máis calado quedarán para unha futura modificación.

Dende a CIG manifestamos que :

• Estamos en contra de calquera amortización, máis sobre todo cando estas soen recaer sobre as escalas máis baixas da administración, como se este persoal “fose prescindible”
• No gabinete do conselleiro crean dous postos de secretario/a, de libre designación e abertos a outras administracións, así o secretario terá tres secretarios/as, todos en libre designación e abertos a outras administración para poder dispor ao seu antollo...
• En determinadas escalas como na de arquitectos/as ou arqueólogos/as do servizo de protección e fomento, da subdirección xeral de protección cultural da dirección xeral do patrimonio cultura, así como os expertos lingüístas da secretaría xeral da lingua, hai diferencias de nivel entre persoal da mesma escala facendo as mesmas funcións, as que uns teñen nivel 20 e outros nivel 25 ou 26 polo que demandamos a equiparación de niveis nestes casos.
• Ao posto de técnico superior de arquivos se lle esixe como requisito indispensable o permiso de conducir, en base á necesidade de facer tarefas “moi ocasionais de condución”. Opoñémonos categoricamente porque non entra dentro das súas funcións, posto que para o traslado da documentación xa existen postos específicos, como son os AP subalternos que ademais de telo como requisito imprescindible cobran por el.
• Reclamamos tamén a equiparación na dotación de persoal da biblioteca de Vigo con outras bibliotecas, xa que esta con igual ou maior carga de traballo ten menos persoal auxiliar de arquivos e bibliotecas.