Avaliacións de riscos (AR) realizadas:

• Tarefas de campo. Preséntase a AR das tarefas de campo, realizadas polo persoal da consellería, Biólogos, Capataces explotacións marisqueiras,Analistas e Auxiliares (CIMA), Técnicos investigadores, e Axentes de extensión. 
• As avaliacións por postos do Servizo de Gardacostas que vimos demandando reiteradamente dende a CIG levaranse a cabo durante o 2025.Solicitamos saber unha data concreta, que non se facilita por parte da Vicesecretaria.
• AR Inicial da delegación de Ribeira. O persoal xa está trasladado, proximamente se fará a avaliación.

Formación: riscos no embarque, manipulación produtos químicos e condución segura.

• Na última reunión solicitáraselle á Consellería que levase a cabo a formación pendente que ven recollida na AR. Informan que se levou a cabo a formación básica para o embarque en tres edicións, nas localidades de Coruña, Vilanova (CIMA) e Vigo. Recordámoslle á Consellería que esta formación é obrigatoria para todo o persoal que ven recollido na AR. Indica que se farán novas edicións para dar a formación ao persoal que non participou nestas edicións. Solicítase que se faga este curso para o persoal que realice embarques. (Veterinarios)
• Formación en manexo de produtos químicos. Esta formación está pendente de revisión do catálogo de produtos químicos e do uso e frecuencia.
• O curso de condución segura, terá unha duración de 20 horas, repartidos e 2 días de prácticas e parte en liña. Dende a CIG, solicitamos que esta formación se faga extensible ao Servizo de Gardacostas e aos Veterinarios.
• Solicitamos que mentras non esté en funcionamiento a Escola Galega de Gardacostas, os Gardacostas teñan accesos ós cursos da AGASP como o curso de manexo de drons.
• Escola Galega de Gardacostas. A orde de 27 de maio de 2005 establece a oferta formativa da Escola Galega de Gardacostas. Dende a CIG, parécenos unha burla ao colectivo de Gardacostasue  que 20 anos despois non esté en funcionamiento e solicitamos a súa efectiva posta en marcha con carácter inmediato, xa que a formación deste colectivo está directamente relacionado ca súa seguridade.

IGAFA

• Avaliación de riscos psicosociais. Constituiuse o Grupo de traballo, está na fase de realización da enquisa, o seguinte paso serán as entrevistas persoais voluntarias.
• Limpeza de tanques e uso de hidrolavadora. Dende o servizo de prevención indican que o uso da hidrolavadora debe seguir as instrucións técnicas que limitan a duración de tempo de uso. De seguir a producirse danos polo seu uso, farase unha avaliación do posto.
  Revisarase a avaliación sobre as tarefas de limpeza de tanque. Solicitamos que si non ven recollida se leve a cabo a mesma.
  Reiteramos novamente que a carga de traballo das auxiliares aumentou considerablemente ao estar traballando cunha persoa menos dende fai cinco anos, pedimos que solventen a dotación de persoal. Así mesmo denunciamos a inadecuación das tarefas realizadas coa titulación requerida para o posto, inadecuación que se verá agravada cos novos requisitos de titulación.

Escola Nautiva de Ferrol

• A CIG presentou escrito coa solicitude de realización de Avaliación de Riscos Psicosociais obrigatoria segundo a lei de PRL.
• Solicitamos a revisión das medidas de emerxencia, tralos feitos sucedidos coa activación da alarma de incendios, onde se detectaron fallos na implementación das mesmas.
• A Consellería informa que se está traballando nunha modificación da RPT para adecuala ás necesidades do centro. Informan tamén que se están levando a cabo as reformas e reparacións solicitadas dende a CIG da campana extractora, tren de lavado e duchas.

Roupa de traballo

• Traballo de campo. Aceptan as achegas feitas o prego de compra da roupa de traballo e proximamente sairá a concurso.

Rogos e preguntas.

• As medicións de Radón levaranse a cabo pola Universidade de Compostela en tódolos centros da Consellería a excepción de Ribadeo que está excluido.
• Dende a CIG solicítase que se cree un procedemento de actuación ante as alertas meteorolóxicas para aqueles postos que desempeñen labores no exterior.
• Acta de estabilidade e halador das planeadoras de Gardacostas. A vicesecretaria comprométese a enviar as actas de estabilidade aos membros da CIG no CSSL.