Novas por contido

O martes 24/06/25 tivemos unha nova reunión sobre a pretensión de reorganización do Servizo Público de Emprego de Galiza (SPEG) coa nova configuración da estrutura das oficinas de emprego. Hai que lembrar que a administración partía dunha proposta en que o servizo quedaba conformado polo seguinte persoal:

  • Direccións, niveis 26 ou 25 sen manifestar criterio obxectivo para a súa distinción, provisión en concurso específico.
  • Persoal orientador co incremento do nivel para establecelo no CD 20 e CE 20.
  • Persoal xestor de emprego, CD 20 e CE 20.
  • Subalterno oficina de emprego, CD 12.
  • Coordinacións do servizo público de emprego, catro postos N25, provisión concurso específico, localizados en Servizos Centrais.

Esta proposta, ofertada pola secretaría xeral técnica para o persoal das oficinas na primeira mesa negociadora do pasado 14/06/25, tivo unha modificacións substancial á baixa na 2ª xuntanza do día 24/06/25, producíndose unha rebaixa de niveis aos seguintes postos de traballo:

1. Persoal de Orientación, establécese o CD no nivel 18 e mantense o diferencial do CE no 20.
2. Xestoras/es de emprego, mínguase o CD ao nivel 18 e mantense o diferencial CE no N 20.
3. Xa non pode mudarse a denominación do persoal coordinador de área pola nova figura de xestor de emprego pola imposibilidade de reducírselle o CD que ten o seu posto, N20.

Esta improvisación da negociación que a Consellaría achaca a Facenda, non pode ser compartida pola CIG, polo que lle esiximos a Emprego que manteña os niveis dos postos propostos na presentación da modificación da RPT e, ao mesmo, tamén continuamos coa  esixencia da descentralización administrativa dos seguintes postos:

a) Coordinadoras/es SPEG a crearse en cada unha das direccións provinciais. O seu traballo, de acordo coa memoria explicativa, é para asesorar. coordinar e orientar ás oficinas de emprego do seu ámbito provincial.
b) Servizo de atracción do talento para traballar, esencialmente, co actual plan retorna que desenvolve a secretaría xeral de Emigración.

Tampouco compartimos que os postos de dirección de oficinas e os postos de coordinación SPEG teñan como forma de provisión o concurso específico amparándose na “estabilidade”; esiximos a cobertura polo concurso ordinario que si é garante da estabilidade.

Esta proposta trae unha importante perda de efectivos; na maior parte das oficinas de emprego hai unha redución do número de postos de traballo. Ao mesmo, tamén esiximos a descentralización administrativa como mellor forma de prestar un servizo público. Non se sustenta que para traballar coas oficinas e coas usuarias da periferia se coloquen os postos en servizos centrais.

A periferia tamén existe e ten dereito a postos de nivel para a promoción administrativa e económica do persoal funcionario público.

Non sabemos que nos vai deparar a próxima reunión, pero non imos pasar porque nos queiran colar ocorrencias de última hora.

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...