Novas por contido

Este congreso que vén de convocar a EGAP analizará as reformas normativas de 2018 en materia de prevención e represión do branqueo de diñeiro, así como a súa incidencia na economía, sociedade e cultura dixitais, e conta cos máis destacados especialistas nacionais na materia. En particular, analizaranse a Directiva de 2018/843 do Parlamento Europeo e do Consello, do 30 de maio, pola que se modifica a Directiva 2015/849, relativa á prevención da utilización do sistema financeiro para o branqueo de capitais ou o financiamento do terrorismo, e a nova normativa de prevención do mesmo ano que, mediante o Real decreto lei 11/2018, do 31 de agosto, modificou a Lei 10/2010, do 28 de abril, de prevención do branqueo de capitais e do financiamento do terrorismo.:

Obxectivos: atender a manifesta demanda social, científica e económica sobre a prevención e represión do branqueo de diñeiro. Sobre todo preténdese, neste ámbito sometido a constantes modificacións nas normativas nacionais e internacionais, actualizar e perfeccionar a discusión e formación, ante as reformas dos últimos meses, penais, tributarias, administrativas e comunitarias.
Destacarase especialmente a incidencia da normativa de prevención do branqueo na actividade administrativa e as obrigacións e deberes do persoal ao servizo da Administración pública. Destacarase, ademáis, o evidente perigo que presentan as novas tecnoloxías no branqueo de diñeiro, como advirte a Directiva de 2018/843 do Parlamento Europeo e do Consello, do 30 de maio, perigo a que  se suma  a  posibilidade de que se instrumentalice o persoal empregado público, entidades financeiras, empresas, economistas e avogados para o branqueo de diñeiro.

Programa:
a) Sección profesional, financeira, administrativa, constitucional, económica e tecnolóxica
- A creación dun organismo autorregulador para a avogacía e os órganos centralizados de prevención das profesións colexiadas recoñecidos polo artigo 27.1 da Lei 10/2010, do 28 de abril, sobre prevención do branqueo, modificado polo Real decreto lei 11/2018, do 31 de agosto.
- Medidas reforzadas de dilixencia debida en relación cos países de alto risco no marco da loita antibranqueo do RDL 11/2018.
- As sancións administrativas do Real decreto lei 11/2018 e o principio non bis in idem respecto ás sancións penais e tributarias.
- A agravación das sancións administrativas en materia de branqueo polo RDL 11/2018, do 31 de agosto.
- A constitucionalidade do RDL 11/2018, a súa extraordinaria e urxente necesidade.
- As canles de denuncia do RDL 11/2018 e o dereito á protección de datos.
- As estatísticas sobre aplicación da normativa administrativa en España da Lei de 2010 de prevención do branqueo e a súa reforma de 2018.
- Os perigos que para o branqueo representan as lotarías e os xogos de azar electrónicos segundo o RDL 11/2018.
b) Sección penal
- O branqueo de diñeiro, a responsabilidade criminal das persoas xurídicas e a titularidade real segundo a Directiva de 2018 e o RDL 11/2018, do 31 de agosto.
- O tipo agravado do branqueo por pertenza a unha organización criminal e o acceso dos grupos terroristas ás institucións financeiras internacionais segundo a Directiva de 2018.
- O uso das tarxetas de prepagamento para o branqueo e o financiamento do terrorismo e a Directiva de 2018.
- As diferenzas entre branqueo de diñeiro e financiamento do terrorismo.
- A orde socioeconómica como ben xurídico protexido polo tipo penal do branqueo de diñeiro.
- A análise estatística do volume e evolución do delito de branqueo de diñeiro en España ata 2019.
- As relacións do branqueo de diñeiro co delito fiscal e a tributación de actividades ilícitas.
- O compliance e as políticas e procedementos do artigo 26 da Lei 10/2010, do 28 de abril, sobre prevención do branqueo, modificado polo RDL 11/2018, do 31 de agosto.
- O delito de branqueo de diñeiro procedente do narcotráfico e as novas tendencias de financiamento do terrorismo advertidas pola Directiva de 2018.

Persoas destinatarias: o persoal empregado público, en situación de servizo activo ou asimilada, tanto das administracións públicas da Comunidade autónoma de Galiza, como dos seus entes instrumentais, e das universidades galegas, xuristas, profesionais e persoas interesadas en xeral.
Lugar: EGAP, Compostela, no salón de actos
Datas: xoves e venres, 18 e 19 de xullo
Horario: 09.00-14.00 h e 16.00-21.00 h
Duración: 20 horas lectivas
Inscrición: desde as 8 horas do 11 de xullo até as 23.55 horas do 16 de xullo en https://egap.xunta.gal/matricula
Criterios de selección: o número de prazas estará limitado pola capacidade do local. A orde de admisión virá determinada pola data e hora de presentación das solicitudes.
Prazas: 286
Código: PU19016
Área: Unión Europea: políticas públicas e procedementos comunitarios
Administración: AU|LO|UN|ES|OU|XU
Cualificación: asistencia
Modo de impartición: presencial
Edicións: 1
Plan: fondos da EGAP
Tipoloxía: divulgación
Responsable: OLIETE TRILLO, PAULA [paula.oliete.trillo@xunta.gal]
Máis información: DOG núm. 114 do 10 de xullo de 2019.
Contacto: dende as 9.00 até as 14.00 horas, nos teléfonos 981 54 62 41-981 54 62 39.

 

Outras novas recentes

Martes, 03 Xuño 2025

RPT Emprego, Comercio e Emigración (para 11/06/25)

A Secretaría Xeral Técnica da Consellería de Emprego, Comercio e Emigración, remitiu a documentación e a convocatoria para unha xuntanza coas organizacións sindicais pola modificación da súa relación de postos de traballo (RPT). A xuntanza vai ser o mércores 11, polo que se tes algo que dicir, contacta coa CIG antes dese día.  Lembramos que desta consellería foron retirados...
Martes, 03 Xuño 2025

Postos para concursos de traslados de veterinarios/as, laboratorio, cociña, condución, recursos naturais, etc. (03/06/25)

A Dirección Xeral de Emprego Público e Administración de Persoal (DXEP) enviou aos sindicatos a relación de postos para os seguintes concursos de traslados aínda pendentes de negociar: - Escala de veterinarios-as. Descargar. - Escalas de laboratorio, condución, cociña, recursos naturais, e máis escalas. Descargar. Como dicimos, as convocatorias están sen negociar. O que fan...
Martes, 27 Mai 2025

EGAP: convocatoria de actividades de formación continua

No DOG do 27/05/2025 a EGAP publica a RESOLUCIÓN do 26 de maio de 2025 pola que se convocan as actividades de formación continua para o persoal ao servizo da Administración xeral da Comunidade Autónoma de Galiza, das entidades públicas instrumentais do sector público autonómico e da Administración institucional. Convocan as actividades formativas que figuran no anexo II,...