No DOG do 16/09/2022 publican a RESOLUCIÓN do 1 de setembro de 2022, do tribunal designado para xulgar o proceso selectivo para o ingreso, polas quendas de acceso libre e promoción interna, no corpo superior da Administración xeral da Comunidade Autónoma de Galiza, subgrupo A1, escala superior de finanzas, convocado pola Resolución do 31 de maio de 2021 (DOG número 115, do 18 de xuño), pola que se fan públicos a data, a hora e o lugar de realización do segundo exercicio do proceso selectivo pola quenda de acceso libre.

O segundo exercicio da oposición, pola quenda de acceso libre, terá lugar o día 23 de setembro de 2022, en chamamento único que se iniciará ás 15.30 horas, nas salas 2, 6, 7, 11 e na sala de exposicións da Escola Galega da Administración Pública (EGAP), no polígono das Fontiñas, rúa Madrid 2-4, en Santiago de Compostela.