No DOG do 23/10/2024 publican:
- RESOLUCIÓN do 14 de outubro de 2024 pola que se procede ao nomeamento como persoal funcionario en prácticas do corpo auxiliar da Administración xeral da Comunidade Autónoma de Galiza, subgrupo C2, de seis novas persoas aspirantes que superaron a fase de oposición do proceso selectivo convocado pola Resolución do 22 de xuño de 2022 (Diario Oficial de Galiza número 121, do 27 de xuño).
- RESOLUCIÓN do 14 de outubro de 2024 pola que se regula o período de prácticas de seis novas persoas aspirantes que superaron a fase de oposición do proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galiza, subgrupo C2, convocado pola Resolución do 22 de xuño de 2022.
As persoas que ocupan actualmente postos como persoal funcionario interino ou laboral temporal ou laboral indefinido non fixo na Xunta de Galiza deberán cesar no seu posto, se é o caso, de interino ou laboral, e tomarán posesión o día 28 de outubro de 2024, como persoal funcionario en prácticas, no centro directivo ao cal fosen destinadas como consecuencia da elección de destino. Unha vez superado o curso selectivo serán nomeadas persoal funcionario de carreira, con destino provisional, no corpo auxiliar na praza adxudicada no acto de elección de destino.
As persoas que ocupan postos como persoal funcionario de carreira na Xunta de Galiza poderán acollerse ao disposto no artigo 129 da Lei 2/2015, do 29 de abril, do emprego público de Galiza (licenzas para a realización de estudos sobre materias directamente relacionadas coa Administración pública) e deberán prestar servizos efectivos no centro directivo en que foran destinadas como consecuencia da elección de destino; neste caso, poderán optar entre percibir as retribucións que correspondan pola condición de persoal funcionario de carreira ou as retribucións previstas para o persoal funcionario en prácticas.
