- Detalles
No DOG do 05/10/2021 publican a RESOLUCIÓN do 24 de setembro de 2021, do tribunal designado para xulgar o proceso selectivo para o ingreso, pola quenda de promoción interna, no corpo de xestión da Administración xeral da Comunidade Autónoma de Galiza, subgrupo A2, convocado pola Orde do 7 de xaneiro de 2020.
Examinadas as reclamacións presentadas polos aspirantes sobre os listados de puntuacións publicados por Resolución do 15 de xullo de 2021 (DOG núm. 143, do 28 de xullo) e feita unha nova corrección respecto de tres aspirantes, dous deles ven incrementada a súa puntuación, o que non afecta o número de aspirantes que superaron o exercicio.
Publican as puntuacións obtidas polos aspirantes que viron modificada a súa puntuación no portal web da Xunta de Galicia funcionpublica.xunta.gal
- Detalles
No DOG do 04/10/2021 publican a RESOLUCIÓN do 27 de setembro de 2021, do tribunal designado para cualificar o proceso selectivo para o ingreso, no corpo facultativo superior da escala de facultativos de servizos sociais, especialidade de psicoloxía, convocado pola Orde do 4 de novembro de 2019.
Rectifican e publican a resolución deste tribunal do 18 de xuño de 2021 (DOG núm. 124, do 1 de xullo) exclusivamente no referente á relación de puntuacións obtidas polas persoas aspirantes presentadas que superaron o primeiro exercicio do proceso selectivo para o ingreso, pola quenda de acceso libre e promoción interna, no corpo facultativo superior da escala de facultativos de servizos sociais, especialidade de psicoloxía, de administración especial da Administración xeral da Comunidade Autónoma de Galiza, subgrupo A1, e as puntuacións obtidas polas persoas aspirantes presentadas que superaron os mínimos establecidos na base II.1.1.1 da convocatoria pero non superaron o exercicio e ás cales se lles asignou unha puntuación inferior a 30 puntos, no portal web corporativo funcionpublica.xunta.gal. Así mesmo, publican a relación das persoas aspirantes presentadas que non conseguiron os mínimos establecidos na base I.1.1.1 da convocatoria.
- Detalles
No DOG DO 04/10/2021 publican:
- RESOLUCIÓN do 24 de setembro de 2021, do tribunal nomeado pola Resolución do 30 de setembro de 2020 (DOG número 201, do 5 de outubro) para cualificar o proceso selectivo de ingreso, pola quenda de acceso libre e promoción interna, no corpo facultativo de grao medio da escala de técnicos facultativos de servizos sociais, especialidade fisioterapia, da Administración especial da Administración xeral da Comunidade Autónoma de Galiza (subgrupo A2), convocado pola Orde do 31 de outubro de 2019 (DOG número 211, do 6 de novembro).
Convocan para a realización do segundo exercicio da fase de oposición a persoa aspirante que se relaciona. Terá lugar na aula 8 da Escola Galega de Administración Pública (rúa de Madrid, 2, 15707 Santiago de Compostela, A Coruña) o día 7 de outubro de 2021, en chamamento único que se iniciará ás 16.00 horas.
- RESOLUCIÓN do 27 de setembro de 2021, do tribunal designado para cualificar o proceso extraordinario de consolidación para o ingreso na categoría 020 do grupo II, terapeuta ocupacional, de persoal laboral fixo da Xunta de Galiza, convocado pola Orde do 4 de novembro de 2019 (DOG número 213, do 8 de novembro), pola que se fan públicos a data, a hora e o lugar de realización do segundo exercicio do proceso selectivo.
Convocan para a realización do segundo exercicio da fase de oposición a persoa aspirante que se relaciona. Terá lugar na aula 9 da Escola Galega de Administración Pública (rúa de Madrid, 2, 15707 Santiago de Compostela, A Coruña) o día 7 de outubro de 2021, en chamamento único que se iniciará ás 16.00 horas.
- Detalles
No DOG do 01/10/2021 publican:
- RESOLUCIÓN do 20 de setembro de 2021, do tribunal designado para xulgar o proceso selectivo para o ingreso, pola quenda de promoción interna, no corpo superior da Administración xeral da Comunidade Autónoma de Galiza, subgrupo A1, convocado pola Orde do 7 de xaneiro de 2020, pola que se fai pública a data, a hora e o lugar de realización do segundo exercicio do proceso selectivo.
O segundo exercicio da oposición terá lugar o 20 de outubro de 2021, en chamamento único que se iniciará ás 16.00 horas, nas aulas 7 e 11 da Escola Galega de Administración Pública (EGAP), no polígono das Fontiñas, na rúa de Madrid 2-4, en Santiago de Compostela.
- RESOLUCIÓN do 23 de setembro de 2021, do tribunal designado para xulgar o proceso selectivo para o ingreso, pola quenda de promoción interna, no corpo de xestión da Administración xeral da Comunidade Autónoma de Galiza, subgrupo A2, convocado pola Orde do 7 de xaneiro de 2020 pola que se fan públicos a data, a hora e o lugar de realización do segundo exercicio do proceso selectivo.
O segundo exercicio da oposición terá lugar o 30 de outubro de 2021, en chamamento único que se iniciará ás 16.30 horas, na Feira Internacional de Galicia en Silleda.
- Detalles
No DOG do 01/10/2021 publican a RESOLUCIÓN do 23 de setembro de 2021, do tribunal designado para cualificar o proceso selectivo para o ingreso na escala de auxiliares de clínica, subgrupo C2, do corpo de auxiliares de carácter técnico de administración especial da Administración xeral da Comunidade Autónoma de Galiza, convocado pola Orde do 20 de febreiro de 2019.
Con datas do 7 e do 15 de xullo e do 13 de setembro reuniuse para examinar as alegacións presentadas polos aspirantes sobre as listaxes de puntuacións publicadas no DOG do 18 de xuño. A resposta a cada unha notificouse, de xeito individualizado, a cada opositor/a, sendo unhas estimadas e outras desestimadas. Feita unha nova corrección respecto de cinco aspirantes, todos eles ven incrementada a súa puntuación e dous pasan a superar o exercicio.
Publican as puntuacións obtidas polos aspirantes que viron modificada a súa puntuación no portal web da Xunta de Galiza, funcionpublica.xunta.gal
- Detalles
No DOG do 28/09/2021 publican:
- RESOLUCIÓN do 22 de setembro de 2021 pola que se amplía o prazo de realización do segundo exercicio do proceso selectivo extraordinario de consolidación para o ingreso na categoría 003 do grupo V (ordenanza e outras) de persoal laboral fixo da Xunta de Galiza.
- RESOLUCIÓN do 22 de setembro de 2021 pola que se amplía o prazo de realización do segundo exercicio do proceso selectivo para o ingreso na agrupación profesional de persoal funcionario subalterno da Administración xeral da Comunidade Autónoma de Galiza.
- RESOLUCIÓN do 22 de setembro de 2021 pola que se amplía o prazo de realización do segundo exercicio do proceso selectivo, pola quenda de promoción interna, para o ingreso no corpo auxiliar da Administración xeral da Comunidade Autónoma de Galiza, subgrupo C2.
- RESOLUCIÓN do 22 de setembro de 2021 pola que se amplía o prazo de realización do segundo exercicio do proceso selectivo, pola quenda de promoción interna, para o ingreso no corpo administrativo da Administración xeral da Comunidade Autónoma de Galiza, subgrupo C1.
- RESOLUCIÓN do 22 de setembro de 2021 pola que se amplía o prazo de realización do segundo exercicio do proceso selectivo, pola quenda de promoción interna, para o ingreso no corpo de xestión da Administración xeral da Comunidade Autónoma de Galiza, subgrupo A2.
- RESOLUCIÓN do 22 de setembro de 2021 pola que se amplía o prazo de realización do segundo exercicio do proceso selectivo, pola quenda de promoción interna, para o ingreso no corpo superior da Administración xeral da Comunidade Autónoma de Galiza, subgrupo A1.
Acordan a ampliación do prazo de realización do segundo exercicio en 20 días hábiles.
- Detalles
No DOG do 28/09/2021 publican o ACORDO do 16 de setembro de 2021, do tribunal designado para xulgar o proceso selectivo para o ingreso, pola quenda de promoción interna, no corpo auxiliar da Administración xeral da Comunidade Autónoma de Galiza, subgrupo C2, convocado pola Orde da Consellería de Facenda do 7 de xaneiro de 2020 (DOG número 21, do 31 de xaneiro), pola que se dá publicidade de diversos acordos.
Entre outros acordos anulan unha pregunta e modifican outras respostas e publican as puntuacións obtidas polas persoas aspirantes presentadas á proba realizada o día 3 de xullo de 2020, correspondente ao primeiro exercicio do proceso selectivo.
De acordo co disposto na base II.1.1.2 da convocatoria, as persoas aspirantes que superaron o primeiro exercicio disporán dun prazo de dez días hábiles, contados desde o día seguinte ao da publicación desta resolución no DOG, para presentar a documentación xustificativa (orixinais ou fotocopias compulsadas) de estar en posesión do Celga 4 ou o equivalente.
- Detalles
No DOG do 28/09/2021 publican:
- CORRECCIÓN DE ERROS. Resolución do 30 de xullo de 2021 pola que se ordena a publicación do Acordo do Consello da Xunta de Galiza do 29 de xullo de 2021 polo que se aproba a relación de postos de traballo da Consellaría de Cultura, Educación e Universidade.
- CORRECCIÓN DE ERROS. Resolución do 3 de agosto de 2021 pola que se ordena a publicación do Acordo do Consello da Xunta de Galiza do 29 de xullo de 2021 polo que se aproba a relación de postos de traballo da Axencia Galega da Calidade Alimentaria.
- Detalles
No DOG do 27/09/2021 a EGAP publica a RESOLUCIÓN do 21 de setembro de 2021 pola que se convoca o Curso superior en ciberseguridade.
O prazo para a inscrición permanecerá aberto desde as 8.00 horas do día seguinte ao da publicación desta resolución no DOG ata as 23.55 horas do día 30 de setembro de 2021.
- Detalles
No DOG do 27/09/2021 a EGAP publica a RESOLUCIÓN do 17 de setembro de 2021 pola que se convoca o Curso Ágora e Teco: manexo das aplicacións informáticas de xestión de procedementos parlamentarios, para persoal do Parlamento de Galiza.
O prazo de presentación de solicitudes será desde o día seguinte ao da publicación desta resolución no DOG e ata o 4 de outubro de 2021.