O que segue é un resumo da xuntanza que o venres 10 de setembro tivemos as organizacións sindicais co director xeral da función pública, e na que, sen tratar todo o tratábel, informáronos de numerosos asuntos de interese xeral. Publicamos a información sen valoración algunha da CIG.
Concurso de traslados do persoal laboral e consolidación:
- Din que a semana que ven poranse a traballar nisto.
- As OPEs van a seguir adiante.
Concurso de traslados corpos xerais:
- O martes 14 publicarán o listado provisional de admitidos e excluídos.
- Hai 2876 solicitudes das cales 672 son de persoas de outras administracións. Hai 200 e pico excluídos
- Esperan ter a resolución provisional na 2ª quincena de outubro e antes de que acabe o ano, se é posíbel, a definitiva.
- Nomearán a 2 representantes sindicais para a comisión do concurso.
Volverán a falar coas Consellarías máis implicadas para que axilicen as RPTs.
- A RPT de MATI está avanzada
- Industria -> Publicada
- A Presidencia -> Aprobada
- Consellaría de Presidencia e do Mar: Van retrasadas.
- Mediou Rural: Tamén vai retrasada. Piden celeridade aos Comités na remisión do informe sobre as amortizacións para axilizar a tramitación da RPT.
Queren que antes de final de ano estea convocado polo que quere ir avanzando nas bases. Non precisa datas.
OPE 2010:
- Non está claro que vaia haber OPE.
Axentes Forestais (integración na Escala de Axentes Medioambientais)
- Publicarán o temario na semana do 17 de setembro.
- Retrasarase o proceso selectivo “unha poucas semanas” co que previsíbelmente o exame sexa a finais do mes de novembro.
Fondo de Acción Social:
- Falan de que o 30 de setembro publicarán as listaxes definitivas.
- Este ano non van a fraccionar o pago, senón que pagarán todo a final de ano salvo as de xubilación que pagarán en canto estea a resolución.
Previsión de tomas de posesión
- A2: Están presentando a documentación e revisándoa.
- C1 e C2: En función de cómo vaian co concurso terán as tomas de posesión. Non darán logo tomas de posesión provisional senón que darán tomas de posesión definitivas.
Procesos Xudiciais:
A1 (Convocatoria 2002): Sentenza do supremo que obriga a incluír a unha persoa no curso selectivo da EGAP. Había 10 prazas e 40 aprobados. Ao curso selectivo soamente accederon os 10 primeiros. Alguén recurríu e agora obrigan á Xunta a facerlle o curso. Din que a sentenza non é extensiva aos 29 restantes, soamente ten dereito o recorrente.
Oposicións Turismo: Presentouse un incidente de execución por parte dos opositores suspensos e que non recurriran no seu día. A resposta de Función Pública será manterse á espera da próxima sentenza do TSXG.
Grupo III Categoría 100: Hai unha persoa (de Lugo, segundo dixeron) á que lle valoraran 3 puntos a antigüidade. Alguén recurríu esta puntuación e compróbase que a puntuación recoñecida estaba mal. Modificárona e déronlle prazo de alegación ao afectado. Vaise ir a un proceso de revisión de oficio e a lista correrá un lugar.
Grupo IV Categoría 033: Hai unha sentenza firme que anula o nomeamento de 3 opositores (de Lugo tamén) que participaban neste proceso selectivo xa que non tiñan a titulación exixida. O tribunal correrá a lista 3 posicións.
Rematamos
Os representantes da CIG preguntáronlle ao Director de Función Pública que elementos de xuízo incorporaba este cronograma para facelo mais críbel que os anteriores. A esto resposta que os anteriores case non se incumpriron e que de todos os xeitos agora as RPTs están moito máis avanzadas e o convenio desbloqueado.
Ao final da xuntanza entregan a resolución das instrución de adscrición dos cesados a petición das centrais sindicais, resolución que "mais ou menos están a aplicar" (??). Sorprendente, xa que o documento entregado foi retirado da Mesa de Negociación na que se tratou sen que volvese nunha a outra. Logo, estase a aplicar sen negociación, a sabendas.
