O xoves 26 de maio, a Dirección Xeral da Función Pública mantivo unha reunión con todas as organizacións sindicais para informar dos seguintes temas:
- O venres 27 de maio publicarase no DOG a Orde do 25 de maio de 2011 pola que se regula a tarxeta do persoal ao servizo do sector público autonómico. A intención da Administración é implantar este novo sistema en servizos centrais, extendéndoo progresivamente a todo o persoal da Xunta de Galicia. Procederase a mudar as actuais tarxetas identificativas usadas pola maioría das consellerías por unhas novas tarxetas dixitais, que servirán tanto para asinar desde o ordenador (sinatura electronica) e como para o control da xornada laboral do persoal.
- En torno aos meses de setembro ou outubro, presentarase un novo decreto que regulara o teletraballo e os distinto tipos de xornada do persoal (flexible, etc.).
- En breve remitiranse ás OOSS propostas sobre integración das fundación comarcais de Medio Rural e a Fundación Galicia-Saúde.
- Canto ao control do absentismo laboral, Función Pública anunciou que haberá un seguimento pola Consellería de Sanidade en casos de baixas reiteradas ou de invalideces provisionais.
A CIG-Autonómica preguntou polos seguintes temas:
- Sobre o cronograma actual e as previsións de datas das futuras convocatorias de oposicións, Función Pública informou que a Consellería de Facenda comprobará en breve a dispoñibilidade de crédito para poder cumprir os prazos anunciados, tanto para o acceso libre como para a promoción interna.
-Función Pública informou que o futuro decreto de funcións e RPTs de Veterinarios aprobaranse probablemente o mes que vén, e que a intención da Administración é que o concurso deste corpo sexa antes do verán. Así mesmo, informouse de que se hai mais das prazas vacantes das ofertadas no 2008, a convocatoria será en xuño; en caso contrario, están pensando en reducir a oferta.
- Sobre os concursos de escalas: Función Pública anunciou que ten intención de aprobar o concurso da escala de informática antes do verán; no caso dos Gardacostas, Función Pública convocará ás OOSS en xuño para tratar o futuro concurso de traslados e a toma de posesión definitiva dos traballadores que están en destino provisional.
- En relación ao novo concurso de persoal funcionario de Administración xeral, Función Pública informou que tratarán de aprobalo en xuño ou, de non ser posible antes do verán, en setembro.
- Canto ao concurso de persoal laboral dos grupos I, II, III e IV, Función Pública informou que a intención da Administración é de aprobalo proximamente, e seguidamente tratar o proceso de consolidación de persoal laboral. Convocarán aos sindicatos en xuño.
- Función Pública informou tamén de que teñen intención de anunciar en xuño novidades sobre a promoción por consolidación de grao para o grupo C, pendente de desenvolver desde a aprobación do Acordo de mellora e ordenación do emprego do ano 2008.
-Por último, Función Pública anunciou que a elección de destino definitivo para o persoal funcionario do subgrupo C1 consolidación realizarase despois do concurso de traslados.
