Novas por contido

O horario reducido de verán entre ás 8:30 e 14:30h previsiblemente establecerase de 20 de xuño a 20 de setembro.

A decisión final, que orbita ao redor das empresas de autobuses que prestan o servizo de transporte subvencionado, coñecerase en breve.

De novo quedará persoal sen poder desfrutar desta redución ou dunha compensación similar, e de novo é o cliente o ten que adaptarse ao servizo contratado coas empresas de autobuses e non ao revés

O luns  6 de xuño o director xeral da Función Pública convocou aos sindicatos para falar do horario de verán e propuxo as tres alternativas que estaban barallando:

a) Do 20 de xuño ao 20 de setembro; as persoas que veñen en autobus os días 20, 21, 22 de xuño e 19 e 20 de setembro teñen o mesmo horario de autobus que o resto do ano.

b) Do 20 de xuño ao 20 de setembro; as persoas que veñen en autobus os días 20, 21, 22 de xuño e 19 e 20 de setembro chegarialle o autobus vinte minutos antes da xornada de traballo.

c) Do 23 de xuño ao 18 de setembro con carácter xeral.

A CIG propuxo que hai que elixir a menos perxudicial de xeito global e que parece ser a b). Dende a CIG esiximos que este dereito se faga efectivo para todo o persoal da Xunta de Galicia e que no caso do persoal suxeito a un réxime especial de horario ou que non poida desfrutar da xornada de verán, se lle compense o exceso de xornada feita durante este periodo. Tamén hai que destacar a problemática que nos manifestan moitas nais e pais coa chegada das vacacións de verán  que lles resulta máis difícil conciliar a vida familiar e laboral por non ter con quen deixar os nenos e nenas, de aí que esta xornada reducida debera abranger o máximo posible as datas de peche das escolas.

En breve chamarannos para unha segunda xuntanza na que se pechará este tema.


Outras novas recentes

Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...