Novas por contido

A CIG-Autonómica vén de presentar un completo documento de alegacións ao novo rascunho que elaborou Función Pública con respecto á aplicación directa da política de persoal nos diferentes departamentos da Xunta da Galiza.

Aínda que está previsto inicialmente para o persoal funcionario, en todo o que mellore o V Convenio da Xunta do persoal laboral será de aplicación a este colectivo, unha vez que se negocie na comisión paritaria, tal e como establece o artigo 21º desta norma. Imaxinamos tamén que por extensión acabará de ter efectos en toda a Admistración Galega. Cando menos é unha norma importante que debería de ser unha referencia para todos os empregados e empregadas públicas desta administración.

A intención de Función Pública é que canto antes estea en vigor, para que sexan de aplicación xa este ano. Agardamos que, unha vez presentadas estas alegacións se chegue a un acordo e se publiquen no DOG en breve.

As cuestións máis sinalables que aínda non están pechadas son unhas cantas, pero podemos destacar a ausencia dun permiso para a formación, a non contemplación dunha comisión de control, que se elimine a interpretación restritiva con respecto aos días hábiles, localidade de residencia e día do exame entre outros, así como certas cuestión con respecto á conciliación familiar que non recolle en completo o borrador actual.

Agardamos que as instrucións que se publiquen finalmente recollan estas alegacións.

Outras novas recentes

Martes, 21 Outubro 2025

Borradores dos procesos selectivos de corpos xerais, PSX, auxiliar de clínica e psicoloxía

Dende a Dirección Xeral de Emprego Público e Administración de Persoal remítenos os borradores de convocatorias dos seguintes procesos selectivos para alegacións ata o venres 31 de outubro ás 15:00 horas. Corpo auxiliar da Administración xeral da Comunidade Autónoma de Galicia, subgrupo C2, escala de persoal de servizos xerais (PSX). PI. Descarga documentación Corpo de...
Luns, 20 Outubro 2025

Monte queimado e axentes baixo mínimos: a Xunta abandona o control da caza

No ano de maior devastación polos incendios, a Consellería de Medio Ambiente e Cambio Climático non activa as gardas de reforzo e deixa reducida ao 25 % a operatividade do cadro de axentes ambientais A tempada de caza comeza este domingo 19 de outubro nun contexto especialmente delicado para o medio natural galego. Despois dun verán no que arderon milleiros de hectáreas,...
Luns, 20 Outubro 2025

Concursos de traslados de veterinarios/as e escalas sociais: relación provisional admitidos/as e excluidos/as

Recibimos comunicación da Dirección Xeral de Emprego Público e Administración de Persoal na que nos informan de que o mércores 22 de outubro publicarán no Diario Oficial de Galiza as seguintes resolucións: Resolución do 15 de outubro de 2025 pola que se aproba a relación provisional de persoas admitidas e excluídas do concurso de traslados F0325, escala de veterinarios....