Novas por contido

Consonte ao acordado no último Pleno, a Comisión Permanente da Xunta de Persoal acudiu a denunciar ante os grupos parlamentares casos concretos de asistencias técnicas facendo o traballo propio de empregados públicos nos servizos centrais, casos ante os que a Xunta mira para outro lado.  Só houbo ocasión de falar cos grupos da oposición xa que o PP, a pesar de ter concertada unha cita, non tiveron tempo de recibirnos; entendemos que non teñen suficientes deputados/as para atender a todas as cuestións que teñen pendentes.

Os distintos membros da Permanente trasladáronlle a preocupación pola deriva na xestión dos recursos humanos que está a tomar a Xunta, que recorta, amortiza e despide persoal propio mentres segue realizando contratacións con empresas privadas para realizar traballo de empregados/as públicos/as, moitas delas, mesmo, compartindo as depedencias propias da Xunta. Achegouselle aos distintos grupos copia do escrito presentado ante o Presdiente da Xunta vai un mes sen que este tivera resposta. Na dita carta analizábanse casos moi particulares, con datos moi contretos de número, localización e funcións desas asistencias técnicas.

Ademais dos casos que contiña o escrito sairon outros, realacionados, sobre todo, co tema dos contratos de informática da AMTEGA; axencia que nos últimos 2 anos realizou máis de 200 contratos, moitos dos cales son de capital humano 100%. Comentouse tamén a opacidade na contratación destes servizos, a dificultade para acceder á información, mesmo por parte dos parlamentares, e a pouca efectividade da Dirección Xeral de Avaliación e Reforma Administrativa no control e racionalización deste problema.

Por parte dos grupos da oposión hai receptividade a manter unha canle aberta e de comunicarnos as distintas xestións que vaian realizando máis tamén lle pediron á Xunta de Persoal que lles faciliten tanta información como teñan dispoñible, documentación incluída. Xa que logo, resulta de vital importancia nestes casos a colaboración das traballadoras e traballadores públicos aos que facemos un chamamento para colaborar na defensa do traballo público e loitar contra as privatizacións.

Outras cuestións

Outros temas que lle achegou a Xunta de Persoal aos grupos parlamentares, segundo o acordado no último Pleno, foi a solicitude feita a Función Pública con relación á devolución das taxas de inscripción nas listas a aquelas persoas que soliciten a súa baixa, así como a denuncia de actividades irregulares do subdirector xeral do Tesouro. No primeiro caso ante a negativa de Función Pública e no segundo ante a inhibición da Consellaría de Facenda a tomar as medidas oportunas.

Outras novas recentes

Venres, 24 Outubro 2025

A CIG reclama unha suba do 5% para o persoal empregado público e unha cláusula de garantía salarial vinculada ao IPC

A Área Pública da CIG (Administración, Ensino e Saúde) vén de iniciar a recollida de sinaturas da Proposición Non de Lei (PNL) para blindar por lei a revalorización salarial na administración xeral, o ensino e a sanidade  A Área Pública da CIG  compareceu en rolda de prensa este luns para reiterar as demandas para garantir a recuperación da capacidade adquisitiva do...
Martes, 21 Outubro 2025

A CIG denuncia a situación irregular e clientelar das comisións de servizo na Xunta de Galiza, en especial na Consellaría do Medio Rural

Nos últimos días coñecéronse novos anuncios de comisións de servizo na Consellaría do Medio Rural. Algunhas delas corresponden a prazas que xa foron adxudicadas de forma definitiva o 16 de outubro, e cuxas persoas titulares aínda nin sequera tomaron posesión. O persoal funcionario interino que se atopa ocupando esas prazas non foi cesado. Esta situación non é un feito...
Luns, 27 Outubro 2025

Bases do concurso de educacion infantil + aux. coidador/a (borrador 27/10/25)

A Dirección Xeral de Emprego Público e Administración de Persoal achéganos as bases e o listado de prazas do concurso de traslados das especialidades de educador/a infantil (técnicos/as facultativos e axentes técnicos/as facultativos) e da excala de auxiliar de coidadores. Os sindicatos temos prazo para presentar alegacións ata o luns 3 de novembro, así que se tes algo que...