Novas por contido

A Escola Galega de Administración Pública convocou unha xuntanza o pasado venres día 14 de novembro na que se amortizaba unha praza de telefonista da súa RPT.

Son incontábeis xa o número de postos que ten destruído o PP dende que goberna a Xunta de Galiza e, dende a CIG, estamos novamente en contra desta práctica sistemática de destrucción de emprego público.

Os xestores da EGAP, seguindo o argumentario doutras consellarías e organismos, esgrimen que é a lei a que lle obriga a amortizar logo de se producir unha xubilación.

A CIG considera este argumento falaz. Primeiro porque o aprobou o grupo do PP no Parlamento, cousa que pode mudar cando queira e, segundo, porque utilizalo é autoxustificativo e recursivo: Hai que facelo porque o eles din que hai que facelo.

Ademais do anterior, a Xunta xustificou que esta amortización a realizaban porque tiñan un posto da RPT que saiu (e se cubriu) no anterior concurso de Corpos Xerais sen estar dotado orzamentariamente. Unha chapuza máis nesta nosa administración demasiado acostumada a desvestir un santo para vestir outro.

Como remate esperpéntico da situación a memoria económica non coincide coa valoración que fai orzamentos da praza a amortizar. Chapuzas PePeiras, SA

Outras novas recentes

Luns, 21 Abril 2025

Comité de Seguridade e Saúde Laboral de Medio Rural (11/04/2025)

O día 11 de abril do 2025 reuniuse de xeito ordinario o Comité de Seguridade e Saúde Laboral da Consellería de Medio Rural. A CIG solicitou que se convocara o CSSL por incumprimento da Lei de riscos laborais. A presidenta comprometeuse a facelos de xeito trimestral e emprazou o próximo comité para a terceira semana de xuño. Temas tratados: 1. Prego de prescricións técnicas...
Luns, 14 Abril 2025

Concurso de traslados de consumo

A Dirección Xeral de Emprego Público e Administración de Persoal remitiunos a información de que o mércores 16 de abril publicarán no Diario Oficial de Galiza as seguintes resolucións para o concurso ordinario de traslados das escalas de inspección e de axentes de inspección de consumo: Relación definitiva de persoas admitidas e excluídas Puntuacións provisionais das...
Mércores, 23 Abril 2025

Bases xenéricas de concurso específico (borrador 22/04/25)

A Dirección Xeral de Emprego Público e Administración de Persoal (DXEP) remitiu aos sindicatos unha segunda versión do que sería o modelo xenérico de bases de concursos específicos. Descargar. Este modelo de bases xa pasou o trámite de negociación na Mesa Sectorial de Negociación de Persoal Funcionario (MSF). A DXEP convocounos a unha xuntanza para o martes 29 de abril,...